14. maí 2013
Fréttir
Leikskólinn á Laugalandi hefur hlotið 1,2 milljónir í styrk frá Sprotasjóði . Styrkinn á að nota til að þróa starf leikskólans næsta vetur. Verkefnið gengur út á það að spinna saman ART, upplýsingatækni og þróa nýtt sýnilegra námsmat barnanna.
Tilgangur verkefnisins er:
- Að innleiða nýja aðalnámskrá í leikskólanum
- Að brjóta upp starfið með elstu börnunum á leikskólanum
- Auka sveigjanleika í starfinu og gera börnin virkari og sjálfstæðari
- Gera starfið markvissara og skemmtilegra, bæði fyrir börnin og starfsfólkið
- Létta á ofurskipulagi og skapa meira tækifæri til aukins lýðræðis
Markmið fyrir starfsfólk:
- Að allir starfsmenn noti ART í öllu starfi leikskólans
- Að allir starfsmenn noti upplýsingatækni í starfi með börnunum á vinnuvalstöðvum
- Að þróa námsmat út frá nýrri aðalnámskrá sem fylgir börnunum upp í grunnskóla
- Að þróa verklag til að efla samskipti milli heimilis og leikskóla
Markmið fyrir börnin:
- Að þróa verklag í leikskólanum með börnunum svo þau fái notið sín sem best
- Að auka félagsfærni barnanna
- Að efla miðlalæsi með börnunum
- Að fylgjast náið með þroska og framförum hjá börnunum með símati
Framundan er mjög spennandi skólaár bæði fyrir nemendur og starfsfólk.