Það var margt um manninn þegar mótorcross brauton opnaði á Hellu þann 1. júlí s.l.
Þann 1. Júlí var svæði undir akstur vélhjóla á vegum akstursíþróttadeildar Ungmennafélagsins Heklu opnað formlega með athöfn. Málið á sér langan aðdraganda en hugmyndin kom upp fyrst í september 2019 og var síðan tekin fyrst formlega fyrir í stjórnsýslunni í með umfjöllun Skipulagsnefndar í mars 2021. Síðan þá hefur málið farið í gegnum skipulagsferli með breytingu á aðalskipulagi og gerð deiliskipulags sem samþykkt var í sveitarstjórn þann 12. maí 2022.
Það er mikið fagnaðarefni að akstursíþróttafólk fái nú loks sérhannað og afmarkað svæði til iðkunar á þessari íþrótt en vandað hefur verið til verka og umgjörð öll til fyrirmyndar.
Til hamingju með nýtt og glæsilegt svæði!
Eggert Valur Guðmundsson afhendir Atla Má Guðnasyni blómvönd í tilefni dagsins.
Allir sem fara í brautirnar þurfa að vera búnir að nálgast aðgöngumiða í OLÍS á Hellu.
Brautin er staðsett rétt austan við Hellu og fer ekki framhjá þér, farið er upp afleggjarann að Gunnarsholti.
Umgengis og öryggisreglur sem gilda fyrir akstursíþróttasvæði umf. Heklu
- Öll mótorhjól, fjórhjól sem eru skráningarskyld verða að vera löglega skráð og tryggð samkvæmt íslenskum lögum.
- Allir ökumenn þessara tækja skulu hafa tilskilin ökuréttindi miðað við aldur og stærð ökutækis samkvæmt íslenskum lögum og reglum.
- Ef ekki er uppfyllt skilyrði reglna númer 1 og 2 þá hafa ökumenn ekki heimild til aksturs á svæði Umf. Heklu.
- Allur akstur er bannaður á grónum og nýsáðum svæðum. Ökumenn skulu koma með hjólin á kerru/pallbíl á svæðið, gildir fyrir hjól á rauðum númerum.
- Öll börn, ungmenni og unglingar sem ekki hafa útgefið ökuskírteini af sýslumanni verða að vera í umsjón lögráða umsjónarmanna allan tímann meðan ekið er á svæðinu.
- Allur akstur á svæðinu skal vera ábyrgur, ökumenn skulu vera hugsandi, ökumenn skulu hafa gát í sínum akstri og stofna hvorki sjálfum sér eða öðrum í óþarfa hættu.
- Í öllum almennum akstri á svæðinu skulu ökumenn leitast við að hafa samræmi í akstri sínum við aðra ökumenn á svæðinu. Til dæmis koma sér saman um ökuleiðir í braut og forðast að ökuleiðir krossist. Aka skal eftir stefnu brautarinnar eins og hún er sett upp.
- Það er skylda við akstur á braut að nota viðeigandi hlífarbúnað, svo sem : Hjálm, krossaraskó, hnéhlífar, brynju og olbogahlífar. Einnig skal ökumaður vera í viðeigandi fatnaði sem stuðlar að öryggi hans.
- Opnunartímar á svæðinu : Svæðið er opið frá apríl til september, svæðisnefnd getur þó opnað svæðið fyrr eða síðar ef árferði og nefndin telur það í lagi. Svæðið er opið frá 11:00-21:00 nema annað verði auglýst í samráði við sveitarfélagið.
Bannað er að aka á svæðinu nema búið sé að greiða fyrir, hægt er að kaupa miða í braut á Olís á Hellu.
Ársgjald fyrir 16 ára og eldri er 18.000 kr fyrir braut 3.
Árgjald fyrir félagsmenn í Umf. Heklu í braut 3 er 15.000kr.
Dagpassi fyrir 12 ára og eldri kostar 3.000kr.
Frítt er fyrir minni hjól og byrjendur í braut 1 og 2. Gjald er alltaf tekið fyrir braut 3 óháð aldri.
A.T.H. Gullkort MSÍ gilda ekki árið 2023 á Hellu.
Fyrir nánari upplýsingar skal senda póst á velhjolheklu@gmail.com
Akstursbrautir Umf Heklu eru þrjár,
Braut 1. Púkabrautin fyrir okkar yngstu byrjendur sem eru að stíga sín fyrstu skref í motocrossi.
Braut 2. Byrjandabraut, fyrir byrjendur yngri enn 12 ára.
Braut 3. Löggild keppnisbraut sem er 1.9 km á lengd, fyrir ökumenn eldri enn 12 ára. í komandi framtíð mun braut 4 bætast við og verður það hardenduro braut.