Rangárþing ytra og Umf. Hekla skrifa undir þjónustusamning

Rangárþing ytra og Umf. Hekla skrifa undir þjónustusamning

Fimmtudaginn 18. júlí skrifuðu fulltrúar sveitarfélagsins og Umf. Heklu, þau Drífa Hjartardóttir og Guðmundur Jónasson, undir þjónustusamning vegna útbreiðslu íþrótta- og tómstunda í skólastarfi og Rangárþingi ytra. Samningurinn gildir frá 1. janúar 2013 og er til fimm ára. Þjónustusamningurinn felur í sér árlega greiðslu frá Rangárþingi ytra til Umf. Heklu fyrir ákveðin skilgreind verkefni. Verkefnin eru m.a. samfella í skólastarfi, umsjón með sumarnámskeiðum og efling heilbrigðra samverustunda fjölskyldna í sveitarfélaginu. Umf. Hekla fær aðgang að öllum íþróttamannvirkjum sveitarfélagsins fyrir starfsemina og eru öll börn sem iðka íþróttir á vegum Umf. Heklu tryggð af sveitarfélaginu.

Fannst þér efnið á síðunni hjálplegt?