Markaðs-, menningar- og jafnréttismálanefnd og Markaðs- og kynningarfulltrúi, fyrir hönd sveitarfélagsins Rangárþings ytra, auglýsa eftir áhugasömum ljósmyndurum til að taka ljósmyndir og drónamyndskeið af völdum stöðum í sveitarfélaginu gegn greiðslu.
Myndefnið verður notað sem markaðsefni fyrir sveitarfélagið.
Almenn verklýsing:
Myndefnið þarf að standast gæðakröfur og mega myndskrár berast sem .jpeg eða . raw. Lágmarksstærð Jpeg mynda er 3mb. Myndskeið þurfa að vera í .MP4 formati.
Sveitarfélagið hefur áhuga á að fá myndir af völdum stöðum sem listaðir eru upp í meðfylgjandi texta. Um er að ræða lágmarkskröfur vegna staðsetninga en allar myndir af öllum staðsetningum innan sveitarfélagsins eru einnig skoðaðar með opnum hug.
Nánari upplýsingar veitir Eiríkur Vilhelm, markaðs- og kynningarfulltrúi, í gegnum netfangið eirikur@ry.is.
Dæmi um staði og svæði:
- Laugaland og nærsvæði
- Þykkvibær og nærsvæði
- Hella og nærsvæði
- Friðland að Fjallabaki
- Hekla
- Keldur
- Oddi
- Ægissíðufoss
- Réttanes
- Bolholtsskógur
- Rauðufossar og augað
- Ljótipollur
- Krakatindur
- fl.
Annað efni
- Húsdýr
- Fuglar og önnur villt dýr