Nýjasta gatan í Ölduhverfinu verður Kjarralda en nýlega voru lóðir þar auglýstar lausar til umsóknar. Samið hefur verið við Þjótanda ehf um gatnagerð í Kjarröldu og eru framkvæmdir að hefjast og reiknað með að þeim verði lokið fyrir 30. nóvember n.k.. Við Kjarröldu er gert ráð fyrir par- og raðhúsum og einbýlishúsi. Reiknað er með að lóðum við Kjarröldu verði úthlutað á næsta fundi byggðarráðs sem dagsettur er 28. október n.k.
Umsóknir um lóðir fara fram í gegnum heimasíðu sveitarfélagsins á umsóknarsíðu hér eða í gegnum viðkomandi lóð á kortasjá sveitarfélagsins, en þar má sjá nauðsynlegar upplýsingar um allar lausar lóðir á Hellu.
Þeir sem óska nánari upplýsinga um lóðir geta snúið sér til Sveitarstjóra eða Skipulagsfulltrúa Rangárþings ytra í síma 488-7000 eða með tölvupósti agust@ry.is (sveitarstjóri) eða birgir@ry.is
(skipulagsfulltrúi).