Snjómokstur tengi- og héraðsvega í Rangárþingi ytra og Ásahreppi 2021-2024

Snjómokstur tengi- og héraðsvega í Rangárþingi ytra og Ásahreppi 2021-2024

Óskað er eftir tilboðum/verðkönnun í snjómokstur á tengi- og héraðsvegum í Rangárþingi ytra og Ásahreppi 2021-2024.

Verkkaupi er Rangárþing ytra. Umsjónaraðili verkkaupa verður Tómas Haukur Tómasson, forstöðumaður eigna- og framkvæmdasviðs í Rangárþingi ytra.

Um er að ræða mokstur á tengi- og héraðsvegum ásamt heimreiðum á svæðinu frá Þjórsá að Eystri-Rangá, svæðunum er skipt landfræðilega við Ytri-Rangá og þjóðveg 1.

Svæðin eru eftirtalin:

  1. Þjórsá að Ytri-Rangá sunnan þjóðvegar.
  2. Þjórsá að Ytri-Rangá norðan þjóðvegar.
  3. Milli Ytri- og Eystri Rangár sunnan þjóðvegar.
  4. Milli Ytri- og Eystri Rangár norðan þjóðvegar.

Hægt er að bjóða í mokstur á einu svæði eða fleirum.

Útboðsgögn fást afhent frá og með fimmtudeginum 18. nóvember nk. á skrifstofu Rangárþings ytra. Einnig er hægt að senda tölvupóst á netfangið tomas@ry.is og óska eftir útboðsgögnum.

Tilboðum skal skila á skrifstofu Rangárþings ytra, Suðurlandsvegi 1, 850 Hellu, fyrir kl. 14:00 þriðjudaginn 30. nóvember. Þá verða tilboðin opnuð að viðstöddum þeim bjóðendum sem þess óska kl. 14:15 sama dag.

F.h. verkkaupa:

Tómas Haukur Tómasson, Forstöðumaður eigna- og framkvæmdasviðs Rangárþings ytra, tomas@ry.is, sími; 4887000.

 

Fannst þér efnið á síðunni hjálplegt?