Stóri plokkdagurinn verður haldinn um land allt 27. apríl næstkomandi.
Rangárþing ytra, Rangárþing eystra og Ásahreppur taka öll þátt og senda íbúum og fyrirtækjum hvatningu um að hreinsa til í sínu nærumhverfi.
Gámar verða við sparkvöllinn á Hellu og við Landvegamót - munum að setja ekkert nema sorp í glærum pokum í gámana!
Hægt verður að nálgast glæra poka og bensli við sparkvöllinn á Hellu og í söluskálanum á Landvegamótum frá kl. 9:30 á plokkdeginum.
Viðburðurinn er skipulagður frá kl. 10-12 en auðvitað má plokka dagana á undan og koma svo með pokana í gáminn þegar hann kemur.
Að plokki loknu verðar grillaðar pulsur í boði fyrir alla plokkara við sparkvöllinn á Hellu kl. 12 - Rótarýklúbbur Rangæinga skaffar mat á grillið!
Fjölmennum, hreinsum til og heiðrum náttúruna.