Auglýst er eftir verkstjóra og flokkstjórum vinnuskóla og starfsfólki til að sinna slætti á görðum eldri borgara og á opnum svæðum sveitarfélagsins.
Hreint sakavottorð er skilyrði fyrir ráðningu.
Vinna verkstjóra:
Verkstjóri samræmir og hefur yfirumsjón með starfi vinnuskólans. Verkstjóri verður að hafa náð 20 ára aldri, treysta sér til að leiða starf vinnuskólans með góðu fordæmi og vinnusemi og vera með bílpróf.
Helstu verkefni:
- Að halda utan um og skipuleggja verkefni vinnuskólans.
- Samræma vinnu flokkstjóra og er tengiliður við foreldra.
- Ber ábyrgð á tímaskráningum til launafulltrúa ásamt öðru sem snýr að rekstri vinnuskólans.
Vinna flokkstjóra:
Flokkstjórar hafa umsjón með unglingum á aldrinum 13–16 ára við fjölbreytt umhverfistengd verkefni.
- Flokkstjórar þurfa að sýna gott fordæmi hvað varðar stundvísi og vinnusemi.
- Æskilegt er að umsækjendur hafi náð 20 ára aldri.
- Bílpróf er skilyrði.
Umsjónaraðilar opinna svæða:
Umsjón opinna svæða felur í sér slátt á görðum eldri borgara og á opnum svæðum ásamt annarri umhirðu opinna svæða.
- Bílpróf er skilyrði og vinnuvélaréttindi æskileg.
- Rík krafa er gerð um stundvísi og vinnusemi.
- 17 ára og eldri geta sótt um
Hægt er að sækja um ofangreind störf með því að smella hér.
Umsóknarfrestur er til og með 15. mars 2024.
Um er að ræða skemmtilega sumarvinnu með góðu og öflugu fólki.
Frekari upplýsingar veitir Hjalti Tómasson á hjalti@ry.is eða í síma 857 0008.