Veglokanir við Eyjasand og Freyvang 9. og 10. september

Undirbúningur vegna malbikunar annars vegar á Freyvangi að Þingskálum og hins vegar á Eyjasandi frá Dynskálum að Suðurlandsvegi hefst á morgun, miðvikudaginn 9. september.

Vegna framkvæmdanna verða báðir vegir lokaðir frá og með miðvikudeginum 9. september. Malbikun fer fram fyrri hluta fimmtudagsins 10. september og er gert ráð fyrir að báðir vegir verði opnaðir aftur síðdegis sama dag.

Vegfarendur eru beðnir um að sýna framkvæmdunum skilning og haga ferðum sínum í samræmi við lokanir um leið og við biðjumst velvirðingar á því ónæði sem þær kunna að valda.

Fyrir frekari upplýsingar er hægt að hringja í vaktsíma Þjónustumiðstöðvar: 487-5284.

Grænu svæðin á kortinu eru þau sem verða lokuð fyrir bílaumferð á miðviku- og fimmtudag.