12. ágúst 2026
Ferðafélag rangæinga stóð fyrir skemmtilegri fjölskyldugöngu í tilefni Töðugjaldanna, þar sem gengið var frá Þingskálum að Aftökugili og þaðan að hátíðarsvæði Skógræktarfélags Rangæinga í Bolholtsskógi þar sem boðið var upp á grillaðar pylsur og drykki.
Á fjórða tug göngugarpa lögðu land undir fót í þessari göngu sem var, að sögn þátttakenda, hin besta afþreying en þau Sigríður og Viðar á Kaldbak stýrðu göngunni og sögðu gestum frá sögu þess fornfræga og merka svæðis sem gengið var um.
Meðfylgjandi eru myndir úr göngunni sem Ösp Viðarsdóttir tók.