Auglýsing um skipulagsmál í Rangárþingi ytra
Samkvæmt 1. mgr. 41. gr. Skipulagslaga nr. 123/2010 eru hér kynntar tillögur að eftirfarandi deiliskipulagsáætlunum
Landmannahellir, deiliskipulag
Sveitarstjórn Rangárþings ytra samþykkti á fundi sínum 24.6.2026 að auglýsa tillögu að deiliskipulagi fyrir Landmannahelli. Um er að ræða að gera bílastæði sem þörf er á á svæðinu ásamt því að gera áningasvæði við tjaldsvæðið með fræðslu og upplýsingaskiltum um friðlandið og gönguleiðir út frá Landmannahelli. Einnig er ráðgert að gera skipulag á tjaldsvæðinu sjálfu þar sem aðgreint verður svæði fyrir tjöld annars vegar og húsbíla og fellihýsi hinsvegar. Aðkoma að svæðinu er af Landvegi 26 og Landmannaleið F225.
Greinargerð má nálgast hér.
Uppdrátt má nálgast hér.
Aldamótaskógur, deiliskipulag
Sveitarstjórn Rangárþings ytra samþykkti á fundi sínum 24.6.2026 að auglýsa tillögu að deiliskipulagi fyrir Aldamótaskóg og Melaskóg. Svæðið er hugsað sem útivistarsvæði til almennrar notkunar og snýst deiliskipulagið um að skipuleggja fjölbreyttar útivistarleiðir og áningarstaði. Einnig að tryggja íbúum og almenningi gott aðgengi að útivistarsvæði. Aðkoma að svæðinu er af Suðurlandsvegi þjóðvegi 1.
Greinargerð má nálgast hér.
Uppdrátt má nálgast hér.
Hvammur L165091, deiliskipulag
Sveitarstjórn Rangárþings ytra samþykkti á fundi sínum 24.6.2026 að auglýsa tillögu að deiliskipulagi fyrir Hvamm L165091. Afmarkaðir verða tveir byggingareitir þar sem heimilt verði að byggja fjóra 40 m² gistiskála til útleigu auk, aðstöðuhúss og 100 m² starfsmannahúss og allt að 2400 m² geymsluhúsnæði. Einnig verða afmarkaðar og stofnaðar tvær nýjar lóðir innan jarðarinnar, önnur undir íbúðarhús allt að 300 m²og hin fyrir núverandi geymsluhúsnæði með möguleika á stækkun upp í allt að 8209,5 m². Aðkoma að svæðinu er um Hvammsveg frá Hagabraut (286).
Skipulagsgögn má nálgast hér.
Tillögurnar liggja frammi hjá Skipulagsfulltrúa, Suðurlandsvegi 3, Hellu og á heimasíðu Rangárþings ytra, www.ry.is. Jafnframt er hægt að skoða skipulagsgögn og senda inn umsagnir í gegnum rafræna Skipulagsgátt á slóðinni www.skipulagsgatt.is
Frestur til að skila inn athugasemdum er til 12. ágúst 2026.
Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is
Haraldur Birgir Haraldsson
Skipulagsfulltrúi Rangárþings ytra