Auglýsing um skipulagsmál í Rangárþingi ytra
Samkvæmt 1. mgr. 41. gr. Skipulagslaga nr. 123/2010 eru hér kynntar tillögur að eftirfarandi deiliskipulagsáætlunum
Villiskjól úr landi Árbæjarhellis II, deiliskipulag
Deiliskipulagið tekur yfir um 6800 m² spildu úr landi Árbæjarhellis II, sem skilgreint er sem landbúnaðarland í aðalskipulagi. Á svæðinu er gert ráð fyrir byggingu íbúðarhúss, gestahúss og skemmu. Aðkoma er af Suðurlandsvegi (nr. 1), um Árbæjarveg (nr. 271) og gegnum nýja verslunar- og þjónustulóð, Skjól.
Tillagan liggur frammi hjá Skipulagsfulltrúa, Suðurlandsvegi 3, Hellu og á heimasíðu Rangárþings ytra, www.ry.is
Frestur til að skila inn athugasemdum er til 2. maí 2018
-II-
Samkvæmt 3. mgr. 41. gr. Skipulagslaga nr. 123/2010 er hér auglýst niðurstaða sveitarstjórnar í eftirfarandi skipulagsáætlun.
Landmannalaugar, deiliskipulag
Deiliskipulagið fyrir Landmannalaugar hefur verið birt með auglýsingu í B-deild stjórnartíðinda dags. 1. mars 2018 og deiliskipulag fyrir Landmannalaugar því tekið lögformlegt gildi. Settir voru eftirfarandi fyrirvarar í greinargerð: Kafli 1: Fyrirvari er gerður við deiliskipulagið að uppbyggingar-áform geta breyst vegna upplýsinga sem fram koma í umhverfismati framkvæmdanna og framkvæmdir eru að hluta háðar því að undanþága fáist frá ákvæðum skipulagsreglugerðar um fjarlægðir mannvirkja frá ám og vötnum. Bætt var við í kafla 2.2.: Þegar gistingu verður hætt í skála FÍ þá verður ekki lengur heimilt að hafa göngutjöld við skálann en skálinn verður nýttur undir þjónustu svo sem safn eða gestastofa.
Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is
Haraldur Birgir Haraldsson
Skipulagsfulltrúi Rangárþings ytra