Auglýsing um skipulagsmál í Rangárþingi ytra

Auglýsing um skipulagsmál í Rangárþingi ytra

Auglýsing um skipulagsmál í Rangárþingi ytra

Samkvæmt 1. mgr. 30. gr. Skipulagslaga nr. 123/2010 er hér kynnt lýsing að breytingu á aðalskipulagi Rangárþings ytra 2016/2028

Aðalskipulag Rangárþings ytra 2016-2028, breytingar á landnotkun nokkurra svæða

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á nokkrum svæðum í sveitarfélaginu. Hér er um sameiginlega lýsingu að ræða á eftirtöldum tillögum að breytingu:

Litli-Klofi 2A, Breyting úr frístundasvæði í íbúðasvæði á 12 lóðum merkt F37 í greinargerð;

Gaddstaðir við Hróarslæk, Stækkun íbúðasvæðis, breyting úr frístundasvæði í íbúðasvæði merkt F63 í greinargerð;

Þjóðólfshagi 1, Breyting úr frístundasvæði í íbúðasvæði á 2 lóðum merkt F11 í greinargerð;

Borgarbraut 4 Þykkvabæ, Breyting úr íbúðarnotkun í lóð undir verslun- og þjónustu, merkt ÍB15 í greinargerð:

Lækjarbotnaveita og Kerauga, Breyting á afmörkun grannsvæðis vatnsverndar;

Akstursíþróttasvæði og jaðarsport við Gunnarsholtsveg, Breyting úr Skógræktar- og landgræðslusvæði í Íþróttasvæði, merkt SL1 í greinargerð

Lýsingin er aðgengileg hér. 

Lýsingin liggur frammi hjá Skipulagsfulltrúa, Suðurlandsvegi 1-3, Hellu og á heimasíðu Rangárþings ytra, www.ry.is

Hverjum þeim sem telur sig eiga hagsmuna að gæta er gefinn kostur á að gera athugasemdir við lýsingu og er frestur til að skila inn athugasemdum til og með 14. maí nk.

-------------------

Samkvæmt 1. mgr. 41. gr. Skipulagslaga nr. 123/2010 eru hér kynntar tillögur að eftirfarandi deiliskipulagsáætlunum

 

Efra-Sel 3E, Rangárþingi ytra, breyting á deiliskipulagi

Sveitarstjórn Rangárþings ytra samþykkti á fundi sínum 15.4.2021 að auglýsa tillögu að breytingu á gildandi deiliskipulagi dags. 27.11.2018 fyrir Efra-Sel 3E. Byggingarreitur B1 á lóðinni Fagraseli verður felldur út og nýir byggingarreitir afmarkaðir innan þriggja lóða, Bjallasels, Bjalladals og Sveitarinnar. Aðkoma að svæðinu er frá Bjallavegi (272).

Tillöguna má nálgast hér. 

Eystri-Kirkjubær, Rangárþingi ytra, deiliskipulag

Sveitarstjórn Rangárþings ytra samþykkti á fundi sínum 15.4.2021 að auglýsa tillögu að deiliskipulagi fyrir Eystri-Kirkjubæ. Gert er ráð fyrir 4 nýjum lóðum, þar af einni þar sem íbúðarhús jarðarinnar stendur. Skilgreind verður lóð undir annað íbúðarhús auk lóðar undir gestahús og reiðskemmu. Aðkoma að Eystri-Kirkjubæ er af Suðurlandsvegi (1) um Kirkjubæjarveg (2704).

Uppdrátt tillögunnar má nálgast hér

Greinargerð tillögunnar má nálgast hér. 

Geitamelur, Rangárþingi ytra, deiliskipulag

Sveitarstjórn Rangárþings ytra samþykkti á fundi sínum 15.4.2021 að auglýsa tillögu að deiliskipulagi fyrir lóð úr Geitamel. Deiliskipulagið afmarkast við enda lendingarbrautar á geitasandi. Tveir byggingareitir verða skilgreindir. Gert verði ráð fyrir aðstöðuhúsum, einu húsi á hvorum byggingarreit. Aðkoma að svæðinu er frá Rangárvallavegi (264).

Tillöguna má nálgast hér.

Öldur III, Rangárþingi ytra, breyting á deiliskipulagi

Sveitarstjórn Rangárþings ytra samþykkti á fundi sínum 15.4.2021 að auglýsa tillögu að breytingu á gildandi deiliskipulagi fyrir Öldur III dags. 7.11.2018 þar sem bætt verði við lóð undir parhús við Skyggnisöldu á Hellu. Samhliða er færsla á göngustíg og reiðleið meðfram Skyggnisöldu felld niður.

Tillöguna má nálgast hér. 

Tillögurnar liggja frammi hjá Skipulagsfulltrúa, Suðurlandsvegi 3, Hellu og á heimasíðu Rangárþings ytra, www.ry.is

Frestur til að skila inn athugasemdum er til 2. júní 2021.

 

Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is

Haraldur Birgir Haraldsson

Skipulagsfulltrúi Rangárþings ytra

Fannst þér efnið á síðunni hjálplegt?