Auglýsing um skipulagsmál í Rangárþingi ytra

Auglýsing um skipulagsmál í Rangárþingi ytra

Auglýsing um skipulagsmál í Rangárþingi ytra

Samkvæmt 1. mgr. 41. gr. Skipulagslaga nr. 123/2010 eru hér kynntar tillögur að eftirfarandi deiliskipulagsáætlunum

 

Hagi lóð L165212, Rangárþingi ytra, deiliskipulag.

Sveitarstjórn Rangárþings ytra samþykkti á fundi sínum 12.5.2022 að auglýsa tillögu að deiliskipulagi fyrir Haga lóð L165212. Gert er ráð fyrir byggingareitum fyrir allt að fjórum frístundahúsum / gestahúsum og skemmu ásamt því að skilgreina reit undir núverandi hús með áform um að stækka það síðar. Aðkoma að svæðinu er af Hagavegi (286) meðfram Breiðuvík og um einkaveg þaðan.

Hér má nálgast skipulagsgögnin

Hrafnhólmi og Hrafntóftir 3, Rangárþingi ytra, deiliskipulag.

Sveitarstjórn Rangárþings ytra samþykkti á fundi sínum 12.5.2022 að auglýsa tillögu að deiliskipulagi fyrir Hrafnhólma og Hrafntóftir 3. Gert er ráð fyrir byggingu íbúðarhúss, gestahúss og skemmu á hvorri lóð. Aðkoma að svæðinu er af Þykkvabæjarvegi nr. 25.

Hér má nálgast skipulagsgögnin

Gaddstaðir íbúðasvæði í stað frístundasvæðis, Rangárþingi ytra, deiliskipulag.

Sveitarstjórn Rangárþings ytra samþykkti á fundi sínum 12.5.2022 að auglýsa tillögu að breytingu á gildandi deiliskipulagi fyrir Gaddstaði. Lögð er fram tillaga fyrir þann hluta svæðisins sem þegar hefur hlotið staðfestingu í aðalskipulagi sem íbúðasvæði, þar sem skilmálar hafa verið skilgreindir að nýju. Aðkoma að svæðinu er af Suðurlandsvegi nr. 1.

Hér má nálgast skipulagsgögnin

Leirubakki, Efra-Fjallaland, Rangárþingi ytra, deiliskipulag.

Sveitarstjórn Rangárþings ytra samþykkti á fundi sínum 12.5.2022 að auglýsa tillögu að deiliskipulagi fyrir nýtt frístundasvæði úr landi Leirubakka. Gert verði ráð fyrir allt að 40 frístundalóðum á skilgreindu frístundasvæði jarðarinnar. Aðkoma að svæðinu er um núverandi vegtengingu frá Landvegi (26) og um Réttarnesveg og þaðan um veg, sem liggur að frístundalóðum Efra – Fjallalands.

Hér má nálgast uppdrátt

Hér má nálgast greinargerð

Tillögurnar liggja frammi hjá Skipulagsfulltrúa, Suðurlandsvegi 3, Hellu og á heimasíðu Rangárþings ytra, www.ry.is

Frestur til að skila inn athugasemdum er til 29. júní 2022.

 

Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is

Haraldur Birgir Haraldsson

Skipulagsfulltrúi Rangárþings ytra

Fannst þér efnið á síðunni hjálplegt?