Auglýsing um skipulagsmál í Rangárþingi ytra
Samkvæmt 1. mgr. 31. gr. Skipulagslaga nr. 123/2010 er hér auglýst tillaga að breytingu á aðalskipulagi Rangárþings ytra 2016-2028.
Mosar L227577, Rangárþingi ytra, breyting á landnotkun.
Rangárþing ytra samþykkti þann 16.8.2023 að auglýsa breytingu á Aðalskipulagi Rangárþings ytra 2016-2028 skv. 1. mgr. 36. gr. skipulagslaga nr. 123/2010 þar sem núverandi landbúnaðarsvæði verði gert að frístundasvæði. Breytingin nær til lóðarinnar Mosar (L227577) þar sem landeigandi hefur óskað eftir að lóð hans verði skilgreind sem frístundabyggð. Samhliða aðalskipulagsbreytingunni er unnið að gerð deiliskipulags fyrir skipulagssvæðið þar sem gert er ráð fyrir frístundabyggð fyrir allt að 16 lóðir.
Skipulagsgögn má nálgast hér.
Samkvæmt 1. mgr. 41. gr. Skipulagslaga nr. 123/2010 er hér kynnt tillaga að eftirfarandi deiliskipulagsáætlun
Haukadalur 4N, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 13.12.2023 að auglýsa breytingu á gildandi deiliskipulagi fyrir Haukadal sem samþykkt var 20.3.1996 þar sem bætt verði við einni lóð og skilgreindar verði byggingarheimildir á henni til samræmis við aðrar lóðir á svæðinu. Deiliskipulag þetta nær aðeins til norður svæðisins og er því uppfærsla á þeim hluta eldra deiliskipulagsins. Breyting deiliskipulagsins tiltekur nýja lóð ásamt því að tiltaka tvo nýja byggingareiti innan þeirrar lóðar. Breytingin var grenndarkynnt með bréfi dags. 7. júní 2023 og stóð kynning yfir fram til 6. júlí sama ár. Engar athugasemdir bárust. Aðkoma að svæðinu er frá Þingskálavegi um aðkomuveg að norðursvæði Haukadals.
Skipulagsgögn má nálgast hér.
Tillagan liggur frammi hjá Skipulagsfulltrúa, Suðurlandsvegi 3, Hellu, í Skipulagsgátt Skipulagsstofnunar, www.skipulagsgatt.is og á heimasíðu Rangárþings ytra, www.ry.is
Hverjum þeim sem telur sig eiga hagsmuna að gæta er gefinn kostur á að gera athugasemdir við tillöguna og er frestur til að skila inn athugasemdum til og með 14. febrúar 2024.
Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is
Har. Birgir Haraldsson
Skipulagsfulltrúi Rangárþings ytra