Rangárþing ytra auglýsir nýjar einbýlis-, par- og raðhúsalóðir lausar til úthlutunar við Kjarröldu á Hellu. Lóðirnar eru austast í þorpinu á nýskipulögðu svæði í Öldum III þar sem gert er ráð fyrir 4 nýjum íbúðarhúsagötum.
Gatnagerð á svæðinu mun hefjast á næstu vikum og er áformað að henni verði lokið fyrir áramót.
Afgreiðsla umsókna fer fram á fundi Byggðaráðs 28. október nk. Umsóknir þurfa að berast fyrir 25. október 2021. Við úthlutun gilda úthlutunarreglur sveitarfélagsins sem nálgast má á heimasíðu sveitarfélagsins hér
Umsóknir fara fram í gegnum heimasíðu sveitarfélagsins á umsóknarsíðu hér eða í gegnum viðkomandi lóð á kortasjá
sveitarfélagsins, en þar má sjá nauðsynlegar upplýsingar um allar lausar lóðir á Hellu.
Þeir sem óska nánari upplýsinga geta snúið sér til Sveitarstjóra eða Skipulagsfulltrúa Rangárþings ytra
í síma 488-7000 eða með tölvupósti agust@ry.is eða birgir@ry.is