Auglýsing um skipulagsmál í Rangárþingi ytra
Samkvæmt 2. mgr. 30. gr. Skipulagslaga nr. 123/2010 eru hér kynntar vinnslutillögur að breytingu á aðalskipulagi Rangárþings ytra 2016-2028.
Langalda, enduropnun efnistökusvæðis. Breyting á landnotkun í aðalskipulagi
Rangárþing ytra vinnur að breytingu á Aðalskipulagi Rangárþings ytra 2016-2028 skv. 1. mgr. 36. gr. skipulagslaga nr. 123/2010 vegna breytingar á landnotkun fyrir efnistökusvæði við Langöldu. Breyting á landnotkun verður úr núverandi landbúnaðarnotum í efnistökusvæði þar sem gert verði ráð fyrir efnistöku allt að 250.000 m³.
Greinargerð má nálgast hér.
Lúnansholt III og IV. Breyting á landnotkun í aðalskipulagi
Rangárþing ytra vinnur að breytingu á Aðalskipulagi Rangárþings ytra 2016-2028 skv. 1. mgr. 36. gr. skipulagslaga nr. 123/2010 vegna breytingar á landnotkun fyrir Lúnansholt III og IV. Breyting á landnotkun verður úr núverandi frístundasvæði í íbúðasvæði þar sem gert verði ráð fyrir að byggð verði upp íbúðarhúsnæði og tengdar byggingar með lögheimili í huga.
Greinargerð má nálgast hér.
Vinnslutillögurnar eru til kynningar á opnunartíma hjá Skipulagsfulltrúa, Suðurlandsvegi 1-3, Hellu og á heimasíðu Rangárþings ytra, www.ry.is Jafnframt er hægt að skoða skipulagsgögn og senda inn umsagnir í gegnum rafræna Skipulagsgátt á slóðinni www.skipulagsgatt.is
Kynningu lýkur þriðjudaginn 9. apríl klukkan 15:00
Vilji hagsmunaaðilar senda inn ábendingar á þessu stigi er það heimilt en formlegur frestur til athugasemda verður þó gefinn þegar tillagan hefur verið samþykkt til auglýsingar síðar.
Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is
Haraldur Birgir Haraldsson
Skipulagsfulltrúi Rangárþings ytra