Upplýsingar um þjónustu sveitarfélagsins vegna gildandi takmörkun á samkomum – uppfært 25.3.2021

Upplýsingar um þjónustu sveitarfélagsins vegna gildandi takmörkun á samkomum – uppfært 25.3.2021

Nú stöndum við frammi fyrir þeirri áskorun að enn einusinni er nauðsynlegt að grípa til aðgerða vegna farsóttar sem geysað hefur frá því í febrúar 2020. Það er ótrúlegt að upplifa samstöðu og áræðni íbúa og starfsmanna sveitarfélagsins á þessum tímum.

Við biðjum alla að kynna sér vel þær reglur sem eru í gildi og ekki hika við að leita frekari upplýsinga ef einhverjar spurningar vakna.

Berum grímur þegar ótengdir einstaklingar hittast, förum eftir 2m reglunni, þvoum hendum reglulega og notum spritt.

Saman sigrumst við á þessu - áfram við!

--

Ný reglugerð um takmörkun á samkomum vegna farsóttar tekur gildi 25. mars 2021 og gildir til og með 15. apríl 2021. Hana má nálgast hér.

Markmiðið er að halda gangandi eins mikilli þjónustu sveitarfélagsins og mögulegt er á hverjum tíma þrátt fyrir samkomubann og hugsanleg veikindi eða sóttkví starfsfólks. Horft er til þess að draga úr smithættu meðal almennings og vernda lykilstarfsmenn frá sóttkví eða veikindum.

Grunn-, framhalds- og tónlistarskólum verður lokað frá og með 25. mars og þar til hefðbundið páskafrí tekur við. Unnið verður að reglum um fyrirkomulag skólahalds að loknu páskafríi á næstu dögum.

Hér má finna yfirlit yfir þjónustu stofnana sveitarfélagsins meðan á samkomubanni stendur, uppfærðar jafnóðum og breytingar verða.

Grunnskólinn á Hellu:

Starf í gangi. Nánar auglýst á miðlum skólans. 

Laugalandsskóli:

Starf í gangi. Nánar auglýst á miðlum skólans.

Leikskólinn Heklukot:

Skólahald með nokkuð óbreyttu sniði. Frekari upplýsingar munu berast í tölvupósti til foreldra.

Leikskólinn Laugalandi:

Skólahald með nokkuð óbreyttu sniði. Frekari upplýsingar munu berast í tölvupósti til foreldra.

Tónlistarskóli Rangæinga:

Starf í gangi. Nánar auglýst á miðlum skólans.

Íþróttamiðstöðvar á Hellu, Laugalandi og í Þykkvabæ:

Íþróttamiðstöðin, líkamsrækt og sund verða lokaðar frá og með fimmtudeginum 25. mars. Allt íþróttastarf barna og fullorðinna fellur niður.

Bókasöfn:

Fylgist með á miðlum bókasafna. Gestir eru beðnir um að sýna aðgát, tryggja 2j metra reglu og huga að sóttvörnum. Einnig eru gestir beðnir um að lágmarka dvalartíma á safninu.

Félagsþjónustan mun standa sína vakt og eru skjólstæðingar félagsþjónustunnar hvattir til að hafa samband símleiðis eða í tölvupósti við starfsmenn til að fá frekari upplýsingar. Síminn þar er 487-8125.

Þjónustumiðstöðin að Eyjasandi á Hellu er lokuð almenningi en bent á vaktsíma þjónustumiðstöðvar 487 5284. Hægt er að hafa samband við starfsmenn með síma eða tölvupósti og eru upplýsingar á www.ry.is.

Sorpstöð: Reiknað er með óbreyttri sorphirðu.

Skrifstofa: Afgreiðsla er opin en skrifstofan er lokuð gestum. Símsvörun er eins og vanalega mán-fim. frá 9:00-15:00 og fös. Frá 9:00-13:00. Öllum sem eiga erindi við skrifstofuna er bent á að hringja eða senda tölvupóst. Starfsemi skrifstofunnar er með óbreyttu sniði, síminn er 488 7000. Hægt er að senda tölvupósta á netfangið ry@ry.is og einnig eru upplýsingar um netföng starfsfólks á heimasíðunni www.ry.is.

Félagsmiðstöð er opin.

Hjúkrunarheimilið Lundur gestir beðnir um að sýna aðgát, tryggja 2ja metra reglu og huga að sóttvörnum. Gestir mega ekki dvelja í opnum rýmum heimilisins.

Námsver í Miðjunni á Hellu er opið.

Fannst þér efnið á síðunni hjálplegt?