Auglýsing um skipulagsmál í Rangárþingi ytra
Samkvæmt 1. mgr. 30. gr. Skipulagslaga nr. 123/2010 er hér kynnt lýsing að breytingu á aðalskipulagi Rangárþings ytra 2016/2028
Jarlsstaðir, Rangárþingi ytra, breyting á landnotkun
Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á Jarlsstöðum úr landi Stóru-Valla þar sem núverandi frístundasvæði á Jarlsstöðum F74 breytir um lögun og stækkar til norðvesturs en austasti hluti þess fellur út. Stærð svæðisins verður óbreytt eða um 50 ha en nýrri aðkomuleið verður bætt við.
Lýsinguna er hægt að nálgast hér.
Lýsingin liggur frammi hjá Skipulagsfulltrúa, Suðurlandsvegi 1-3, Hellu og á heimasíðu Rangárþings ytra, www.ry.is
Hverjum þeim sem telur sig eiga hagsmuna að gæta er gefinn kostur á að gera athugasemdir við lýsingu og er frestur til að skila inn athugasemdum til og með 6. maí nk.
-------------------
Samkvæmt 1. mgr. 41. gr. Skipulagslaga nr. 123/2010 eru hér kynntar tillögur að eftirfarandi deiliskipulagsáætlunum
Haukadalsmelur, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 16.4.2020 að auglýsa að nýju tillögu að deiliskipulagi fyrir Haukadalsmel í Haukadal. Tillaga að deiliskipulagi fór í lögbundið auglýsingar- og kynningarferli og var samþykkt í sveitarstjórn 4. apríl 2007. Auglýsing um gildistöku deiliskipulagsins var ábótavant og því hefur deiliskipulagið aldrei öðlast formlegt gildi. Þrátt fyrir það hefur verið byggt á svæðinu í samræmi við deiliskipulagið og eru sex frístundahús þegar byggð á svæðinu auk eins flugskýlis. Gert er ráð fyrir alls 22 lóðum fyrir frístundahús, einni lóð fyrir félagsheimili og þremur lóðum fyrir flugskýli. Aðkoma að svæðinu er frá Þingskálavegi.
Uppdrátt tillögunnar má finna hér.
Greinargerð tillögunnar má finna hér.
Stóru-Vellir, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 16.4.2020 að auglýsa að nýju tillögu að deiliskipulagi fyrir lóðir úr landi Stóru-Valla í Landsveit. Deiliskipulagið afmarkast af lóðarmörkum eignarlanda sem seld hafa verið út úr jörðinni Stóru-Völlum. Gert er ráð fyrir 13 misstórum lóðum, þar sem heimilt verður að byggja íbúðarhús, gestahús og útihús. Aðkoma að svæðinu er frá Landvegi, gegnum Litla-Klofa.
Árbakki, Rangárþingi ytra, breyting á deiliskipulagi
Sveitarstjórn Rangárþings ytra samþykkti á fundi sínum 16.4.2020 að auglýsa tillögu að breytingu á gildandi deiliskipulagi dags. 17.10.2007 fyrir lóðir úr landi Árbakka. Deiliskipulagsreitur er stækkaður til norðurs (svæði 5) og nær nú líka yfir land Snjallsteinshöfða 1B, L223327 sem er um 57ha. Það land er nú orðið í eigu eigenda Árbakka. Svæði 5 er skipt niður í 5 smábýlalóðir sem eru á bilinu 10 ha-13,8 ha. Frístundalóðir nr. 6, 7, 8, 9, 10, 11 og 12, syðst á svæði 1 (F7), eru felldar niður. Aðkoma að svæðinu er frá Árbæjarvegi.
Tillögurnar liggja frammi hjá Skipulagsfulltrúa, Suðurlandsvegi 3, Hellu og á heimasíðu Rangárþings ytra, www.ry.is
Frestur til að skila inn athugasemdum er til 3. júní 2020.
Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is
Haraldur Birgir Haraldsson
Skipulagsfulltrúi Rangárþings ytra