Auglýsing um skipulagsmál í Rangárþingi ytra
Samkvæmt 1. mgr. 30. gr. Skipulagslaga nr. 123/2010 eru hér kynntar lýsingar að breytingu á aðalskipulagi Rangárþings ytra 2016/2028
Svínhagi L6B, Rangárþingi ytra, breyting á landnotkun
Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á spildunni Svínhagi L6B úr landi Svínhaga, þar sem núverandi landbúnaðarsvæði verði gert að verslunar- og þjónustusvæði.
Gaddstaðir, Rangárþingi ytra, breyting á landnotkun
Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á Gaddstöðum, þar sem meginhluti núverandi frístundabyggðar verði að íbúðabyggð.
Þjóðólfshagi 29-33, Rangárþingi ytra, breyting á landnotkun
Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á 5 lóðum úr Þjóðólfshaga, þar sem núverandi frístundanotkun lóðanna verði gerð að landbúnaðarsvæði að nýju.
Klettamörk, Rangárþingi ytra, breyting á landnotkun
Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á spildunni Klettamörk úr landi Maríuvalla, þar sem núverandi landbúnaðarsvæði verði gert að verslunar- og þjónustusvæði.
---------------
Samkvæmt 1. mgr. 30. gr. og 3. mgr. 40. gr. Skipulagslaga nr. 123/2010 er hér kynnt sameiginleg lýsing að breytingu á aðalskipulagi Rangárþings ytra 2016/2028 samhliða lýsingu deiliskipulags.
Leynir 2 & 3, Rangárþingi ytra, breyting á landnotkun ásamt deiliskipulag
Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á spildunum Leyni 2 og Leyni 3 úr landi Leynis, þar sem hluti núverandi landbúnaðarsvæði verði gert að verslunar- og þjónustusvæði. Um sameiginlega lýsingu skipulagsáforma er að ræða og gildir kynningin því einnig fyrir lýsingu skipulagsáforma vegna væntanlegs deiliskipulags. Gert verði ráð fyrir uppbyggingu á ferðatengdri þjónustu. Svæðið er skilgreint sem landbúnaðarsvæði í aðalskipulagi en áformað er að hluti svæðisins verði gerður að verslunar- og þjónustusvæði. Á svæðinu er íbúðarhús og skemma og þar er rekið tjaldsvæði. Núverandi aðkoma er sameiginleg með aðkomu að Stóra-Klofa en gert er ráð fyrir nýrri aðkomu frá Stóru-Vallarvegi (2802).
Lýsingarnar liggja frammi hjá Skipulagsfulltrúa, Suðurlandsvegi 1-3, Hellu og á heimasíðu Rangárþings ytra, www.ry.is
Hverjum þeim sem telur sig eiga hagsmuna að gæta er gefinn kostur á að gera athugasemdir við lýsingu og er frestur til að skila inn athugasemdum til og með 2. október nk.
---------------
Samkvæmt 1. mgr. 41. gr. Skipulagslaga nr. 123/2010 eru hér kynntar tillögur að eftirfarandi deiliskipulagsáætlunum
Jarlsstaðir, Stóru-Vellir, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 12.9.2019 að auglýsa tillögu að deiliskipulagi fyrir Jarlsstaði, svæði úr landi Stóru-Valla L207661. Skilgreindar verða 2 lóðir þar sem heimilt verður að byggja íbúðarhús, hesthús og skemmu á annarri lóðinni og Vélaskemmu / verkstæðisbyggingu á hinni. Aðkoma er í dag er frá vegi 2771 að Hrólfsstaðahelli og yfir Húsagarð áfram á slóð / reiðstíg meðfram Ytri Rangá að Járnlaugarstöðum. Ný aðkomuleið verður með afleggjara frá vegi 2771 á landamörkum Tjörvastaða og Hrólfstaðahellis.
Svínhagi Ás-7, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 12.9.2019 að auglýsa tillögu að deiliskipulagi af lóðinni Svínhagi Ás-7. Á svæðinu er gert ráð fyrir m.a. byggingu íbúðarhúss, frístundahúss, tveimur gestahúsum, aðstöðuhúsi, skemmu, sauna og geymslu skv. uppdrætti og greinargerð frá Eflu. Aðkoma er frá Þingskálavegi (268) og um núverandi aðkomuveg.
Klettamörk, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 12.9.2019 að auglýsa tillögu að deiliskipulagi fyrir lóðina Klettamörk úr landi Maríuvalla. Áform eru uppi um að reist verði alls 7 gistiskálar til útleigu, ásamt íbúðarhúsi til íveru. Aðkoman er frá Gunnarsholtsvegi, um Gilsbakkaveg. Tillagan er hér auglýst samhliða kynningu á breytingu á aðalskipulagi sveitarfélagsins.
Öldutún, áður Helluvað 2 lóð, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 12.9.2019 að auglýsa tillögu að deiliskipulagi fyrir Öldutún úr landi Helluvaðs. Áformað er að skipta spildunni í 3 lóðir til byggingar íbúðarhúsa ásamt bílskúr og gestahúsum. Aðkoma er frá Helluvaðsvegi. Tillagan er hér auglýst samhliða óverulegri breytingu á aðalskipulagi sveitarfélagsins.
Tillögurnar liggja frammi hjá Skipulagsfulltrúa, Suðurlandsvegi 3, Hellu og á heimasíðu Rangárþings ytra, www.ry.is
Frestur til að skila inn athugasemdum er til 30. október 2019.
Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is
Haraldur Birgir Haraldsson
Skipulagsfulltrúi Rangárþings ytra