Fréttir

Sveitarstjórn Rangárþings ytra boðar til opins íbúafundar á Laugalandi n.k. laugardag 28. maí 10:00-12:00 um fyrirhugaða lagningu ljósleiðara um sveitarfélagið.  Farið verður yfir áætlanir og veittar upplýsingar um hvaðeina sem þessu frábæra verkefni tengist. 

Af tilefni 20 ára afmæli leikskólans mun verða opið hús í Leikskólanum Laugalandi þann 27. maí n.k. frá kl. 14:30 – 16:00.

22. fundur byggðarráðs Rangárþings ytra verður haldinn að Suðurlandsvegi 1-3, miðvikudaginn 25. maí 2016 og hefst kl. 15:00

Boðað er til árlegs samráðsfundar Ásahrepps og Rangárþings ytra n.k. fimmtudag 26. maí kl. 9:00-11:00 í safnaðarheimili Oddasóknar á Hellu. Á fundinum er farið yfir helstu samstarfsverkefni og er hann opinn öllum íbúum sveitarfélaganna.

Straumlaust verður í dag 23.05.2016 frá kl. 13:00 og fram eftir degi frá Tjörn að Oddsparti, Þykkvabæ, Rangárþingi ytra.

Oddastefna verður haldin 21. maí n.k. á Stracta Hótel Hellu. Oddastefna er málþing haldið árhvert af Oddafélaginu sem næst fæðingardegi Sæmundar Fróða sem var 22. maí. Oddastefna í ár er einnig haldin sem afmælishátíð  Oddafélagsins en það fagnaði 25 ára afmæli á síðasta ári.

Leikskólinn Heklukot auglýsir eftirfarandi stöður. Leikskólakennarar, deildarstjórar, aðstoðarleikskólastjóri 50% staða og sérkennari 50% staða.

Föstudaginn 6. maí fékk leikskólinn Heklukot afhentan Grænfánann í þriðja skiptið. Þær Rannveig og Caitlin frá Landvernd afhentu umhverfisnefnd leikskólans, sem jafnframt eru elstu nemendur skólans, fánann, og skilti sem mun verða sett á leikskólabygginguna.

Sveitarstjórn Rangárþings ytra staðfesti Ársreikning fyrir árið 2015 á fundi sínum í dag. Rekstrarniðurstaða var jákvæð um 100.448.000 kr. sem er allnokkru betra en áætlanir gerðu ráð fyrir.

Nú styttist í Oddastefnu sem haldin verður á Hótel Stracta á Hellu 21. maí n.k. frá 13-16. Grunnskólanemendur í Helluskóla hafa sett upp vandaða og stórskemmtilega sýningu um Sæmund fróða fyrrum prest í Odda á Rangárvöllum í máli og myndum á Sparkvellinum við skólann.