Fréttir

Íþróttamiðstöðin er lokuð frá 29.apríl vegna lagfæringa á búningsklefum og sundlaug. Opnun auglýst síðar. Starfsfólk biðst velvirðingar á þessum óþægindum. Sundlaugin á Laugalandi er opin eins og áður.

Eftirfarandi erindi barst sveitarfélaginu og er það birt með leyfi höfundar á síðunni: "Kæra Hreppsnefnd og aðrir er þetta mál gæti varðað. Á Hellu hefur alltaf verið hesthúsahverfi sem er gott og blessað og ég undirrituð sem íbúi á Hellu finnst mjög gaman að hafa hrossin og önnur dýr í nágrenni við mig og eiga þess kost að fara og skoða þau, enda hef ekkert útá þau sem slík að setja."

Sveitastjórn Rangárþings ytra samþykkti þann 26. mars, 2013 að auglýsa lýsingu vegna breytingar á Aðalskipulagi Rangárþings ytra 2010-2022. Landeigendur hafa áform um að byggja upp frístundasvæði á jörðinni Jarlsstaðir úr landi Stóru-Valla og því eru fyrirhugaðar allnokkrar breytingar á landnotkun, en jörðin er skilgreind sem landbúnaðarland í aðalskipulagi.

Eftirfarandi var birt á vefnum www.dfs.is: Íbúar í Rangárvallasýslu hafa sett sig í samband við DFS og kvartað undan því að heilsugæslustöðvarnar á Hvolsvelli og Hellu eru báðar lokaðar í dag. Íbúar eru hissa á þessu og vita ekki ástæðuna.

Í tengslum við verkefnið Grænn apríl verður gert átak í hreinsun þann 20. apríl nk. „Einn svartur ruslapoki“. Þar sem Olís er þátttakandi í Grænum apríl hefur verið ákveðið að Olís gefi einn svartan ruslapoka til þeirra sem koma og leita eftir því. Íbúar sveitarfélagsins eru hvattir til að taka þátt í verkefninu og nýta framlag Olís til þess.

Íbúafundur um staðsetningu á vindmyllum innan Rangárþings ytra verður haldinn þann 18. apríl 2013 kl. 20.00 í Íþróttahúsinu í Þykkvabæ skv. ákvörðun Skipulagsnefndar. H. Birgir Haraldsson, skipulags- og byggingarfulltrúi Rangárþings ytra, Steingrímur Erlingsson og Snorri Sturluson f.h. Biokraft ehf. og Friðrik Magnússon f.h. Kartöfluverksmiðjunnar í Þykkvabæ munu sitja fundinn og svara spurningum eftir þörfum.

Rangárvalladeild Geysis stóð fyrir tveimur reiðnámskeiðum í vetur. Barnanámskeið var undir stjórn Heiðdísar Örnu Ingvarsdóttur og námskeið fyrir 14 ára og eldri undir stjórn Ísleifs Jónassonar. Barnanámskeiðið var sennilega með því ódýrasta í landinu, eða 3.000 krónur á barn fyrir 5 skipti, vegna þátttöku Hestamannafélagsins Geysis í kostnaðinum.

Aðalfundur Skógræktarfélags Rangæinga verður haldinn mánudaginn 15. apríl n.k. í Árhúsum á Hellu og hefst hann kl. 20.00. Dagskrá: 1. Venjuleg aðalfundarstörf. 2. Viðurkenning veitt fyrir fallegan skógarreit í sýslunni. 3. Önnur mál. - Kaffihlé - 4. Fræðsluerindi:  Berjarunnar - ræktun og klippingar í umsjón  Kristins H. Þorsteinssonar, garðyrkjufræðings.

Kjörskrá Rangárþings ytra vegna Alþingiskosninga laugardaginn 27. apríl 2013, mun liggja frammi á skrifstofu sveitarfélagsins að Suðurlandsvegi 1-3, Hellu frá 17. apríl fram að kjördegi. Skrifstofan er opin frá kl. 9 – 15 mánudag til fimmtudags og frá kl. 9 – 13 föstudaga.

Logi Geirsson handboltahetja verður með fyrirlestur um sjálfstraust og sjálfsaga í íþróttahúsinu á Hellu fimmtudaginn 11. apríl og hefst hann kl. 19.00.  Fyrirlesturinn er byggður upp á leiðum til að ná hámarks árangri jafnt í leik og starfi og er frábær skemmtun í bland við að veita áhorfandanum innblástur.