Fréttir

Fréttabréf félags eldri borgara frá 12. apríl til semtember 2012 er komið út.  Farið er vítt og breitt yfir starfsemi félagsins í ár og er þarf af nægu að taka.  Gaman er að sjá hvað félagsstarfið er öflugt hjá eldri borgurum.  Félagsstarf eldri borgara hefur sinn stað á síðunni undir málaflokknum "íþrótta- og tómstundamál".

Miðvikudagskvöldið 25.apríl. næstkomandi Kl:20.00 verður aðalfundur Umf. Heklu haldinn í Grunnskólanum á Hellu.  Einnig mun Umf. Hekla standa fyrir sölu á áburði um mánaðarmótin apríl/maí eins og síðustu ár.  Seldur verður áburður í 12 kg fötum og reynt verður að hafa svipað verð og í fyrra en það verður auglýst síðar.

Á stjórnarfundi í embætti Skipulags-og byggingarfulltrúa Rangárþings bs., 2. apríl sl., var lögð fram tillaga þess efnis að Rangárþing ytra segði sig úr byggðasamlaginu.  Í framhaldinu var óskað var eftir viðræðum samstarfssveitarfélaganna til að vinna að lausn málsins. Bæði meiri- og minnihluti sveitarstjórnar Rangárþings ytra styður ákvörðunina.

Þau félög sem þar starfa og hafa aðstöðu í Menningarsalnum á Hellu munu á sumardaginn fyrsta kl.14:00 halda styrktartónleika fyrir salinn. Þar koma fram Samkór Rangæinga, Leikfélag Rangæinga, Harmonikufélag Rangæinga, Kvennakórinn Ljósbrá, Kirkjukór Odda- og Þykkvabæjarkirkna, Karlakór Rangæinga og Karlakórinn Þrestir.

Nú stendur yfir tilraun á vefsíðunni með skoðanakönnun í nýja heimasíðukerfinu. Hægt er að sjá könnunina og kjósa með því að smella á takkann hægra megin á forsíðunni undir viðburðadagatalinu eða með því að smella á hlekk hér neðar í tilkynningunni.

Anna Hansen frá Leirubakka í Landsveit hefur stimplað sig hressilega inn í danskt menningarlíf en hún stundar nám í Danmörku þessi misserin.  Hún fékk nýlega hlutverk í söngleik þar sem hún skaut 150 öðrum umsækjendur ref fyrir rass. Við óskum Önnu innilega til hamingju með þennan stórkostlega árangur og vonum að henni gangi allt hið besta í því sem hún tekur sér fyrir hendur í hvert sinn.

Íþróttamiðstöðin á Hellu er opin frá kl. 12-18 alla páskana frá og með fimmtudegi til og með mánudegi.  Sundlaugin á Laugalandi er opin á skírdag frá kl. 19-21.30 og á laugardag frá kl. 14-17, aðra daga er lokað.

Atvinnumálanefnd Rangárþings ytra vill benda íbúum og forsvarsmönnum fyrirtækja í sveitarfélaginu á fjölda styrkjamöguleika inni á heimasíðu Atvinnuþróunarfélags Suðurlands,  www.sudur.is.

Leikskólinn Heklukot hefur náð því markmiði að fá leyfi til að flagga Grænfánanum.  Afhending Grænfánans verður á vorhátíð leikskólans 12. maí nk. Þá verður hátíð í bæ.

Viðbrögð við nýrri heimasíðu Rangárþings ytra hafa verið góð en verið er að vinna í efnisyfirfærslu af gömlu síðunni jafnt sem mótun nýjunga.  Notendur síðunnar eru hvattir til að koma með ábendingar varðandi það sem betur mætti fara. Hér má lesa tilkynningu vegna nýju heimasíðunnar.