Fréttir

Eins og síðustu vetur ætlar Ungmennafélagið Hekla að standa fyrir opnu húsi í Íþróttahúsinu á Hellu á föstudögum milli Kl: 16:00 og 17:30. Ekki verður um neina skipulagða dagskrá að ræða og ekki er ætlast til þess að krakkar á skólaaldri mæti án foreldris eða umsjónarmanns, sem er eldri en 18 ára.

Mánudaginn 1. október kl. 18 fór fram fundur sveitarstjórna sveitarfélaganna í Rangárvallasýslu með þingmönnum Suðurkjördæmis í fundarsal Miðjunnar á Hellu. Á fundinn mættu fyrir hönd Rangárþings ytra þau Guðfinna Þorvaldsdóttir, Margrét Ýrr Sigurgeirsdóttir, Magnús H. Jóhannsson, Anna María Kristjánsdóttir, Gunnar Aron Ólason og Gunnsteinn R. Ómarsson.

Reyðarvatnsréttir verða haldnar þann 22. september næstkomandi.  Vakin skal sérstök athygli á þær hefjast kl. 11 í stað kl. 12 eins og verið hefur undanfarin ár.  Byrjað verður að reka féð frá Reynifellsbrú kl. 8 um morguninn í átt að Reyðarvatnsréttum.

Helgina 5.-7. október ætlar ungmennaráð UMFÍ og 0% að hittast og eyða saman helginni á Laugum í Sælingsdal. Öll ungmenni á aldrinum 16-30 ára sem vilja hittast og skemmta sér án vímuefna eru velkomin. Til að kynna sér málin frekar og/eða skrá sig er hægt að hafa samband við: Sigríði í síma: 866-2961, sem7@hi.is eða Einar í síma: 697-4810, einar@nullprosent.is.

Samtök ungra bænda efna til ljósmyndasamkeppni undir heitinu “Bændur að störfum” í tengslum við útgáfu sína á dagatali fyrir árið 2013. Myndirnar þarf að senda inn fyrir 15. október og þurfa þær að vera að lágmarki af stærðinni 300dpi, vera láréttar (landscape), mega vera í lit og/eða svarthvítar og senda undir nafni og símanúmeri eiganda myndarinnar.

Mikilvægt er að setja sig inn í það sem fram fer í málefnum fatlaðra, því eru allir hvattir til sem geta að mæta á fræðslufund um NPA (sjá auglýsingu neðar í pósti). Fundurinn er fyrir fatlað fólk og aðstandendur þess, fagfólk og sveitarstjórnarfólk fimmtudaginn 20. september 2012 kl. 13:00 - 17:00 á Hótel Selfossi.

Umf Hekla verður með dagskrá utan samfellu í haust í Teakwondo,sundi og körfubolta.  Smellið á fyrirsögn til að lesa meira um æfingatíma, kostnað og almennt fyrirkomulag. Þau sem sækja æfingar hjá félaginu verða skráð í Umf. Heklu. Félagsgjald er ekkert fyrir 16 ára og yngri en kr. 1.500 fyrir eldri.

Félagsþjónustan í Árborg, Velferðarþjónusta Árnesþings og Félagsþjónusta Rangárvalla og Vestur-Skaftafellssýslu vekja athygli á rétti fólks til að sækja um styrki  skv. 27. grein laga nr. 59/1992 um málefni fatlaðra  og reglugerðar nr. 550/1994 um styrki vegna námskostnaðar og verkfæra- og tækjakaupa fatlaðra.

Vegna skipulagsbreytinga mun Steinsholt sf. annast þjónustu vegna skipulags- og byggingamála í Rangárvallasýslu tímabundið. Skrifstofan að Ormsvelli 1 á Hvolsvelli verður opin mánudaga og fimmtudaga frá kl. 9.00 til 12.00. Sími á skrifstofu er 487 1200. Utan opnunartíma er hægt að hafa samband við Gísla Gíslason í síma 487 7800.

Ein af meginstoðum atvinnulífs í Rangárþingi ytra er ferðaþjónusta.  Samkvæmt frétt af heimasíðu Hagstofu Íslands fjölgar gistinóttum í júlí 2012 úr 254.900 samanborið við 227.500 í júlí 2011 eða um 12%. Á Suðurlandi voru 37.900 gistinætur á hótelum í júlí sem er rúmlega 10% aukning samanborið við fyrra ár.