Fréttir

Eftirfarandi barst frá Gámaþjónustunni: Það hefur gengið illa síðustu daga að losa rusla- og blátunnur á svæðinu, við vorum á eftir áætlun á föstudaginn fyrir viku og ætluðum að vinna það upp á mánudaginn en þá var ekki hægt að losa á Strönd vegna veðurs og þurftum við að fara til Reykjavíkur til að losa.

Háskólafélag Suðurlands stendur fyrir kynningu á fjarnámsmöguleikum í háskólanámi og undirbúningsnámi fyrir háskólanám. Á kynninguna mæta fulltrúar frá flestum háskólum landsins. Kynningin verður í Fjölheimum við Tryggvagarð, (áður Sandvíkurskóla) milli klukkan 16.00 og 18.00 þriðjudaginn 12. mars.

Laugardagurinn 23. mars er viðmiðunardagur kjörskrár vegna alþingiskosninga sem hafa verið auglýstar þann 27. apríl n.k.  http://www.innanrikisraduneyti.is/frettir/nr/28446. Þjóðskrá Íslands vill af þessu tilefni minna á nauðsyn þess að íbúaskráningin sé sem réttust.

Rangárþing ytra óskar eftir að ráða starfsmann í 70% starfshlutfall á skrifstofu sveitarfélagsins. Vinnutími er frá kl. 9:00-15:00 mánudaga til fimmtudaga og kl. 9:00-13:00 á föstudögum. Meðal verkefna er símsvörun, þjónusta við viðskiptavini, almenn ritarastörf og annað sem til fellur. Umsóknum skal skila skriflega á skrifstofu sveitarfélagsins eða í tölvupósti á klara@ry.is fyrir 18. mars n.k.

Vegna formgalla í fyrri auglýsingu hefur komið í ljós að auglýsa þarf að nýju skv. 41. gr. Skipulagslaga nr. 123/2010 eftirtaldar skipulagstillögur. Skipulagstillögurnar eru í kynningu frá 1. mars 2013 til og með 12. apríl 2013. Ábendingar og athugasemdir við skipulagstillögurnar þurfa að berast Skipulagsfulltrúa í síðasta lagi þ. 12. apríl 2013 og skulu vera skriflegar.

Skipulagsstofnun og umhverfis- og auðlindaráðuneytið mun kynna nýja skipulagsreglugerð á fimm stöðum um landið nú í mars. Á fundinum munu fulltrúar Skipulagsstofnunar og ráðuneytisins gera grein fyrir nýrri skipulagsreglugerð og svara fyrirspurnum. Gert er ráð fyrir tveggja klukkustunda fundi fyrir kynningu og umræður og er fundurinn öllum opinn.

Fréttabréf félags eldri borgara í Rangárvallasýslu frá 1. janúar  til september 2013 er nú aðgengilegt á heimasíðunni undir flipanum "Íþrótta- og tómstundastarf". Mikið og öflugt félagsstarf er í gangi hjá félaginu og eru félagsmenn beðnir um að auglýsa starfið og koma því á framfæri að Rangæingar 60 ára og eldri séu velkomnir í félagið.

Ferðaþjónustuaðilar og aðrir hagsmunaaðilar í Rangárþingi ytra athugið! Ferðaþjónustuaðilar í þeim fjórum sveitarfélögum sem kortið nær yfir eru beðnir um að yfirfara og senda upplýsingar um sína þjónustu til tengiliðs viðkomandi sveitarfélags fyrir 7. mars nk.

Stýrihópur á vegum sveitarfélaganna Rangárþings ytra, Rangárþings eystra og Skaftárhrepps stendur fyrir málstofu um stefnumörkun á sviði samgangna og ferðaþjónustu í Hvolnum, Hvolsvelli miðvikudagskvöldið 27 febrúar kl. 19.30. Stór-Fjallabakssvæðið tekur yfir stærstan hluta af hálendissvæðum sveitarfélaganna þriggja sem standa að verkefninu.

Þann 7. mars næstkomandi fer fram framtíðarþing um farsæla öldrun og er óskað eftir þátttakendum á þingið. Áhugasamir vinsamlegast tilkynnið þátttöku á netfangið framtidarthing@gmail.com eða í síma 693 9508 eigi síðar en 25. febrúar nk. Taka þarf fram nafn, kennitölu og síma. Þátttaka er öllum heimil og án endurgjalds. Boðið verður upp á veitingar.