Fréttir

40. fundur sveitarstjórnar verður haldinn að Suðurlandsvegi 3 þann 20. desember kl. 20:30. 17 liðir eru á dagskrá auk nokkurra undirliða.

Gámaþjónustan mun gera smávægilegar breytingar á sorphirðu á Hellu um jólin. Breytingarnar eru þannig að í staðinn fyrir að losa á Hellu fyrir jól verður það gert eftir þau eða 27. Des. Þetta er í raun talið koma betur út fyrir íbúa. Gámaþjónustan mun senda frá sér nýtt dagatal fyrir sorphirðu ársins 2013 á næstu dögum

Útistofa við Grunnskólann á Hellu var vígð í morgun, mánudaginn 17. desember.  Nemendur og starfsmenn fylktu liði út í Rjóður þar sem útistofan er. Einnig mætti nokkur fjölda gesta. Sigurgeir skólastjóri mælti nokkur orð og lýsti því formlega yfir að nú væri útistofan formlega tekin í notkun og þá talaði séra Guðbjörg og fór með bæn.

Laus er til umsóknar staða leikskólastjóra við leikskólann Heklukot á Hellu sem er í Rangárþingi ytra. Heklukot er þriggja deilda leikskóli, með um 60 dvalarpláss fyrir börn á aldrinum eins til fimm ára. Heklukot fékk Grænfánann afhentan sl. vor og er unnið að innleiðingu á heilsustefnunni í leikskólanum.

Eins og margir hafa séð þá hefur verið sett upp jólatré við móttöku sveitarfélagsins á 3. hæð Miðjunnar á Hellu. Jólatréð er fengið frá Skógræktarfélagi Rangæinga og kemur það úr Bolholtsskógi á Rangávöllum.

Tveir liðsmenn Brunavarna Rangárvallasýslu bs., Guðni G. Kristinsson og Sigfús Davíðsson, fræddu starfsmenn skrifstofu sveitarfélagsins um rétt viðbrögð við eldvá og almennt um forvarnir. Starfsmenn fengu að kynnast því af eigin raun hvernig er að slökkva eld með eldvarnarteppi og handslökkvitæki.

Ríkisstjórnin samþykkti fyrir sitt leyti í gær, 27. nóvember, úthlutun 400 milljóna króna í sóknaráætlanir landshluta fyrir árið 2013. Fjármagninu var deilt á átta landshluta  og er þeim ætlað að ákvarða á grundvelli sóknaráætlana hvernig fjármagninu verður varið.Suðurland fær 52,9 milljónir eða 13,2%.

Föstudaginn 30. nóvember Kl:16.00 verður Rangæingamót í skák fyrir 16 ára og yngri haldið í Grunnskólanum á Hellu. Tefldar verða 5 umferðir eftir monrad-kerfi og verður umhugsunartíminn 10 mín á keppanda í hverri skák. Ungmennafélagið Hekla sér um keppnishaldið og verður öllum keppendum boðið uppá léttar veitingar að keppni lokinni.

Minnt er á að nauðsynlegt er fyrir hvern og einn að vera skráður með lögheimili á réttum stað fyrir næstu mánaðamót.  Lögheimili skal skráð þar sem fólk hefur fastan bústað.  Rétt skráð lögheimili tryggir að fólki berist nauðsynlegar upplýsingar frá opinberum aðilum, bönkum o.fl.  Þetta er mikilvægt svo öll réttindi sem fylgja lögheimili séu tryggð.

Í sambandi við stefnumótunarvinnu í menningarmálum á Suðurlandi er netkönnun um menningarmál í gangi sem lesendur eru hvattir til að svara. Netkönnunina er hægt að nalgast hér: http://www.surveymonkey.com/s/Z7RZKCV eða á heimasiðu Menningarráðs Suðurlands www.sunnanmenning.is.