Fréttir

Tengibyggingin á milli húsanna við Suðurlandsveg 1 og 3 hefur verið áberandi í samfélagsumræðunni síðustu misseri og er einnig áberandi í ársreikningi sveitarfélagsins.  Byggingarkostnaður og annar kostnaður við verkefnið nemur nú nálægt hálfum milljarði en verkinu er þó ekki lokið að fullu, t.a.m. á eftir að klæða bæði hliðarhúsin og ganga frá baklóð.

Umf. Hekla ætlar að standa fyrir fjölskyldugöngu mánudaginn 28. maí næstkomandi (annan í Hvítasunnu). Fyrirhugað er að koma saman við gamla Árhús Kl:10.00 og labba niður að Ægissíðufossi. Viljum við hvetja fólk til að koma og fá sér hressandi göngutúr í morgunsárið (spáin er mjög góð).

Dagana 22. maí - 15. júní 2012 verður hreinsunarátak í sveitum á vegum Sorpstöðvar Rangárvallasýslu.  Gámar verða á tímabilinu staðsettir m.a. á eftirtöldum stöðum, þ.e. á „gömlu“ gámastæðum þessara staða: Rangárvöllum (vegamót Gunnarsholtsvegar og Þingskálavegar), Þykkvabæ, Hellu og Landvegamótum.

Íþrótta og Tómstundanámskeið verður á vegum Umf. Heklu í 3 vikur í sumar, frá 4. – 22. Júní á virkum dögum frá kl. 8.00 til 12.00. Ef næg þátttaka verður, er möguleiki á að námskeiðið lengist um viku eða jafnvel vika í ágúst.  Vinsamlegast látið vita af áhuga á lengingu námskeiðs við skráningu.

Íþróttafélagið Dímon, Íþróttafélagið Garpur og Ungmennafélagið Hekla ætla að standa saman að frjálsíþróttaæfingum á íþróttavellinum á Hellu í maí og júní í sumar.  Æfingarnar verða á þriðjudögum kl: 17.00 – 18.30 og er fyrsta æfing þriðjudaginn 22 maí. Öllum er heimilt að mæta og taka þátt.

Mikill ruslgjörningur eða listaverk hefur verið sett upp á vegg í tengibyggingunni við Suðurlandsveg 1-3 á Hellu.  Þessi gjörningur hefur vakið eftirtekt vegfarenda og umræða skapast í samfélaginu vegna þessa.  Sumum finnst óþægilegt að sjá þetta, en til þess var leikurinn gerður.

Laugardaginn 12. maí verður leikskólinn Heklukot á Hellu með opið hús og foreldrafélagið með vorhátíð sína kl. 10:00-12:00.  Á vorhátíðinni verður Grænfáninn afhentur ásamt öðrum dagskrárliðum.  Allir hjartanlega velkomnir!  Endilega komið og gerið ykkur glaðan dag með okkur!

Ný skoðanakönnun hefur verið sett inn á heimasíðuna.  Af nægu er að taka en fyrir valinu varð viðhorfskönnun vegna nýs almenningssamgöngukerfis, Strætó á Suðurlandi, sem tekið var í notkun um síðustu áramót.  Íbúar í Rangárþingi ytra eru hvattir til að taka þátt.

Starfsfólk Sundlaugarinnar á Hellu er að fara af stað með söfnunarátak til styrktar Íþróttahússins á Hellu.  Stefnan er tekin á að ganga/hlaupa/synda, frá 7. maí til 7. júní, 1.000 km.  Þau skora á aðra að stofna 6-8 manna hópa og keppa við þau til gamans.  Reikningur átaksins er 0308-26-004702. Kt: 470211-0400.  Hægt er að prenta út kort hér neðar í færslunni.

Akstur vagna Strætó bs. á frídegi verkalýðsins, 1. maí, verður að venju samkvæmt sunnudagsáætlun. Allar nánari upplýsingar má fáá www.straeto.is og í þjónustusíma Strætó bs.,540 2700.