Fréttir

Meðfylgjandi er kynningarbréf frá Tryggingastofnun vegna barnalífeyris vegna náms eða starfsþjálfunar. Það er mikilvægt að koma þessu bréfi til flestra sem vinna með ungmennum 18-20 ára sem gætu átt rétt á greiðslum. Til þess að fá greiddan barnalífeyri vegna náms eða starfsþjálfunar frá 1. september þarf að skila inn fullgildri umsókn og fylgigögnum í ágúst.

Í dag tekur til starfa Álfhildur Þorsteinsdóttir, talmeinafræðingur, sem hefur verið ráðin til sveitarfélagsins til að sinna talþjálfun barna á leik- og grunnskólaaldri. Álfhildur verður í 40% starfi og mun hafa aðsetur í leikskólanum Heklukoti á Hellu. Þessi aukna þjónusta mun áreiðanlega koma mörgum fjölskyldum til góða, sem hingað til hafa þurft að sækja hana til Reykjavíkur með tilheyrandi kostnaði og vinnutapi.

Breytingin tekur til breyttrar landnotkunar í landi Svínhaga landnr. 164560 og Þingskála landnr. 164567 á Rangárvöllum. Inn í aðalskipulag koma 3 nýjar efnisnámur, E55 sem er malar- og sandnáma og verður 30.000m3 og er við Þingskála, einnig E56 sem er bergnáma, 30.000m3 og staðsett við Svínhaga. Þá er gert ráð fyrir malar- og sandnámu í landi Svínhaga sem fær heitið E57 og gert ráð fyrir allt að 30.000m3.

Nú hefur ný skoðanakönnun verið sett í gang og verður hún í gangi næstu 2 vikur. Sú skoðanakönnun sem hafði verið í gangi um nágrannagæsluna var tekin niður um leið. Í nýrri skoðanakönnun er spurt hvort að fólk sé ánægt með fyrirkomulag Töðugjalda eins og það hefur verið undanfarið.

Nú er hægt að fara inn á Íbúagátt sveitarfélagsins og skrá sig inn á vefgátt island.is og sjá þar yfirlit um þjónustu sveitarfélagsins gagnvart íbúum. Island.is er er leiðarvísir að opinberri þjónustu og liður í að auðvelda almenningi aðgang að henni. Hægt er að skrá sig inn með sama veflykli og notaður er hjá Ríkisskattstjóra eða með rafrænum skilríkjum.

Eins og margir vita hefur Félagsþjónusta Rangárvalla- og V-Skaftafellssýslu flutt sig um set og hefur nú aðsetur í Miðjunni á Hellu við Suðurlandsveg 1-3. Katrín Þorsteinsdóttir var ráðin í starf félagsmálastjóra í byrjun sumars og hefur hún m.a. staðið fyrir uppsetningu á nýrri heimasíðu félagsþjónustunnar. Slóðin á heimasíðuna er www.felagsmal.is.

Íslandsmótið í höggleik 2012 fer fram dagana 26.-29. júlí og er þetta í sjötugasta skiptið sem keppt er um Íslandsmeistara titil í golfi. Í ár fer Íslandsmótið fram á Strandavelli og er í umsjá Golfklúbbs Hellu. Golfklúbbur Hellu var stofnaður 22. júní 1952 og er því 60 ára á þessu ári.

Lindsay Blatt og Paul Taggart eru að búa til myndina "Herd in Iceland"(Hjörð á Íslandi) sem er heimildamynd um íslenska hestinn. Tökur á myndinni hófust haustið 2010, þegar Lindsay og Paul ferðuðust til Íslands til að fylgjast með. Í þessari frétt má sjá sýnishorn úr myndinni en þar eru nokkur kunnugleg andlit úr sveitarfélaginu.

Auglýst er eftir starfsmanni í Íþróttamiðstöðina á Hellu. Um er að ræða 100% starf í vaktavinnu, gæslu í kvennaklefa og þrif. Umsækjandi þarf að standast hæfnispróf sbr. öryggisreglugerð fyrir sundstaði. Þolsund 600 m, hraðsund 25 m, björgunarsund í fötum, kafsund 15 m og köfun í dýpsta hluta laugar. Eiga gott með að umgangast börn og unglinga, hafa góða þjónustulund og vera stundvís.

Föstudaginn 20. júlí næstkomandi verður Kartöflusúpudagurinn svokallaði haldinn í Þykkvabænum. Kartöflusúpa fyrir gesti og gangandi,fríir sölubásar, grænmetismarkaður, nýuppteknar kartöflur, kynning á Young Living ilmkjarnaolíum, leiktæki fyrir börnin, lestin á rúntinum, andlitsmálun fyrir börnin, sjoppa á staðnum UMF Framtíðin og fleira.