Fréttir

„Landstólpinn. Samfélagsviðurkenning Byggðastofnunar“ er árleg viðurkenning sem Byggðastofnun veitir á ársfundi sínum og var það gert í fyrsta sinn á ársfundi 2011. Hér með er lýst eftir ábendingum um handhafa Landstólpans 2013. Dómnefnd velur síðan úr þeim tillögum sem berast.

Tónlistarskóli Rangæinga hélt upp á daginn með tónleikum á Laugalandi sunnudaginn 3. mars s.l. Tónleikarnir voru með ,,fjölskylduþema“, þar sem nemendur komu fram með einhverjum úr fjölskyldu sinni, þannig að hinir ýmsu samspilshópar mynduðust, nemendur spiluðu ýmist með syskinum, foreldrum eða jafnvel afa og ömmu.

Félagsþjónusta Rangárvalla og Vestur-Skaftafellssýslu bs. óskar eftir að ráða félagsmálastjóra til starfa. Laun og starfskjör samkvæmt kjarasamningum viðkomandi stéttarfélags  og launanefndar sveitarfélaga. Um er að ræða fullt starf og æskilegt að viðkomandi geti hafið störf sem fyrst.  Aðsetur Félagsþjónustunnar er á Hellu.

Eftirfarandi barst frá Gámaþjónustunni: Það hefur gengið illa síðustu daga að losa rusla- og blátunnur á svæðinu, við vorum á eftir áætlun á föstudaginn fyrir viku og ætluðum að vinna það upp á mánudaginn en þá var ekki hægt að losa á Strönd vegna veðurs og þurftum við að fara til Reykjavíkur til að losa.

Háskólafélag Suðurlands stendur fyrir kynningu á fjarnámsmöguleikum í háskólanámi og undirbúningsnámi fyrir háskólanám. Á kynninguna mæta fulltrúar frá flestum háskólum landsins. Kynningin verður í Fjölheimum við Tryggvagarð, (áður Sandvíkurskóla) milli klukkan 16.00 og 18.00 þriðjudaginn 12. mars.

Laugardagurinn 23. mars er viðmiðunardagur kjörskrár vegna alþingiskosninga sem hafa verið auglýstar þann 27. apríl n.k.  http://www.innanrikisraduneyti.is/frettir/nr/28446. Þjóðskrá Íslands vill af þessu tilefni minna á nauðsyn þess að íbúaskráningin sé sem réttust.

Rangárþing ytra óskar eftir að ráða starfsmann í 70% starfshlutfall á skrifstofu sveitarfélagsins. Vinnutími er frá kl. 9:00-15:00 mánudaga til fimmtudaga og kl. 9:00-13:00 á föstudögum. Meðal verkefna er símsvörun, þjónusta við viðskiptavini, almenn ritarastörf og annað sem til fellur. Umsóknum skal skila skriflega á skrifstofu sveitarfélagsins eða í tölvupósti á klara@ry.is fyrir 18. mars n.k.

Vegna formgalla í fyrri auglýsingu hefur komið í ljós að auglýsa þarf að nýju skv. 41. gr. Skipulagslaga nr. 123/2010 eftirtaldar skipulagstillögur. Skipulagstillögurnar eru í kynningu frá 1. mars 2013 til og með 12. apríl 2013. Ábendingar og athugasemdir við skipulagstillögurnar þurfa að berast Skipulagsfulltrúa í síðasta lagi þ. 12. apríl 2013 og skulu vera skriflegar.

Skipulagsstofnun og umhverfis- og auðlindaráðuneytið mun kynna nýja skipulagsreglugerð á fimm stöðum um landið nú í mars. Á fundinum munu fulltrúar Skipulagsstofnunar og ráðuneytisins gera grein fyrir nýrri skipulagsreglugerð og svara fyrirspurnum. Gert er ráð fyrir tveggja klukkustunda fundi fyrir kynningu og umræður og er fundurinn öllum opinn.

Fréttabréf félags eldri borgara í Rangárvallasýslu frá 1. janúar  til september 2013 er nú aðgengilegt á heimasíðunni undir flipanum "Íþrótta- og tómstundastarf". Mikið og öflugt félagsstarf er í gangi hjá félaginu og eru félagsmenn beðnir um að auglýsa starfið og koma því á framfæri að Rangæingar 60 ára og eldri séu velkomnir í félagið.