Fréttir

Laugardaginn 13. maí heldur Akstursíþróttanemd Heklu og Flugbjörgunarsveitin á Hellu sína 44 torfærukeppni og hefst Blaklader Torfæran á Hellu klukkan 11:00 og þar er um að ræða 1. umferð íslandsmótsinns í torfæru 2017

Skráning stendur yfir fyrir skólaárið 2017-2018. Kennt verður á eftirfarandi hljóðfæri: Blokkflautu, fiðlu, selló, gítar, harmonúki, klarínettu, einsöng, píanó, rafgítar, rafbassa, saxafón, Suzukiblokkflautu, Suzukiselló, Suzukipíanó, trommur og þverflautu. Skráningu lýkur 26. maí.

Ársreikningur Rangárþings ytra fyrir árið 2016 var tekinn til seinni umræðu í sveitarstjórn Rangárþings ytra 10. maí 2017 og samþykktur samhljóða. Rekstrarniðurstaða var jákvæð um 187.073.000 kr. sem er verulega betra en áætlanir gerðu ráð fyrir.

37. fundur sveitarstjórnar Rangárþings ytra verður haldinn að Suðurlandsvegi 1-3, 10. maí 2017 og hefst kl. 15:00. Fulltrúar ungmennaráðs eru gestir fundarins undir lið 4.

Út er komið ritverkið Veiðivötn á Landmannaafrétti. Bókin fjallar um svæðið sem er á milli Þjórsár og Vatnajökuls – norður fyrir Köldukvísl og suður á afrétti Skaftártungumanna og Landmanna. Gunnar Guðmundsson frá Heiðarbrún er höfundur meginefnis. Ritverkið sem er tvö bindi er hin vandaðasta og prýtt fjölda fallegra mynda.

Rangárþing ytra auglýsir netaveiðrétt fyrir jarðirnar Merkihvoll, Réttarnes og Nefsholt II í Veiðivötnum lausan til umsóknar. Um er að ræða veiðirétt næstu þrjú veiðitímabil, þ.e. fyrir árin 2017 til og með 2019.

Eftir vel heppnaða utanlandsferð í vor urðum við Ljósbrárkonur heimakærar og er því lagavalið frekar þjóðlegt að þessu sinni. Aðaláhersla okkar á þessum tónleikum er tileinkuð hinni dáðu söngkonu Ellý Vilhjálms. Ellý heillaði flesta með söng sínum og heillandi framkomu. Við fengum aðra dáða söngkonu til liðs við okkur en hún hefur heiðrað minningu Ellýar og sungið lög hennar eins og henni einni er lagið. Þessi söngkona er engin önnur en Guðrún Gunnarsdóttir og erum við Ljósbrárkonur upp með okkur að hafa fengið hana til liðs við okkur. Guðmundur Eiríksson mun leiða okkur í söng líkt og áður ásamt því að spila undir á píanó. Smári Kristjánsson spilar á bassa, Rúnar Þór Guðmundsson á trommur, Guri Hilstad Olason, SIlvia Rossel og Aníta Þorgerður Tryggvadóttir á blásturshljóðfæri. Vortónleikar Kvennakórsins Ljósbrár ásamt Guðrúnu Gunnarsdóttur. Guðríðarkirkja Grafarholti fimmtudagskvöldið 27. apríl kl. 20:00 Hvoll, Hvolsvelli föstudagskvöldið 28. apríl kl. 20:00.

Starfsfólk vantar fyrir sumarið 2017. Um er að ræða vaktavinnu og helgarstörf. Umsækjandi þarf að vera orðin 18 ára, standast hæfnispróf sbr. öryggisreglugerð fyrir sundstaði eiga gott með að umgangast börn og unglinga, hafa góða þjónustulund og vera stundvís.

Tónlistarskóli Rangæinga fagnar 60 ára starfsafmæli skólaárið 2016 – 2017. Af því tilfeni heldur skólinn nú aðra afmælistónleika sína á skólaárinu. Á þessum síðari afmælistónleikum koma fram nemendur skólans.

Næsta laugardag, 29 apríl, verður opið hús með þjónustuveitum í Miðjunni (2. hæð) á Hellu milli kl. 10-12. Þar munu helstu þjónustuveitur kynna framboð sitt inn á hið nýja ljósleiðarkerfi Rangárljóss.