Fréttir

Sorpstöð Rangárvallasýslu bs. auglýsir hausthreinsun

Sorpstöð Rangárvallasýslu bs. mun standa fyrir hausthreinsun eins og undanfarin ár dagana 11. til 20. október n.k. Settir verða upp gámar á sömu staði og í vorhreinsuninni, þ.e.á gömlu gámastæðin. Vonumst við til þess að íbúar notfæri sér þessa þjónustu á þeim tíma sem hún er í boði. Sorpstöð Rangárvallasýslu bs.

09. september 2013

Bilun í kapalkerfi

Bilun hefur komið upp í kapalkerfinu á Hellu og er verið að vinna í lagfæringum á því. Beðist er velvirðingar á óþægindum sem því fylgja fyrir notendur þess.

06. september 2013

Mikil tilhlökkun í augum nemenda við skólasetninguna á Laugalandi

Það voru hressir krakkar sem komu á skólasetninguna þann 29. ágúst í Laugalandsskóla. Þar fengu allir sínar stundatöflur og hittu umsjónarkennarann sinn. Nemendur voru ekki síst glaðir yfir því að hitta hvern annan. Það er alltaf gott að fara af stað með gleði og tilhlökkun að leiðarljósi.

05. september 2013

Fundarboð og dagskrá - 51. fundur hreppsnefndar Rangárþings ytra, 2010 - 2014

51. fundur hreppsnefndar Rangárþings ytra, á kjörtímabilinu 2010 - 2014, verður haldinn að Suðurlandsvegi 3 á Hellu, föstudaginn 6. september 2013, kl. 13.00. FUNDARBOÐ OG DAGSKRÁ.

04. september 2013

Nýtt einkennismerki Grunnskólans á Hellu afhjúpað á skólasetningunni

Skólasetning Grunnskólans á Hellu fór fram föstudaginn 30. ágúst síða. Yngstu krakkarnir voru sérstaklega boðin velkomin og greina mátti mikla eftirvæntingu hjá þeim. Við setninguna var einnig nýtt glæsilegt merki skólans afhjúpað.

31. ágúst 2013

Fljúgandi fyrirbæri sveimar yfir Helluþorpi

Einhverjir íbúar og vegfarendur á Hellu hafa mögulega orðið varir við óþekkt fljúgandi fyrirbæri sveimandi yfir Helluþorpi um hádegisbil miðvikudaginn 28. ágúst síðastliðinn. Lítið fyrirbæri sveimaði yfir þorpinu með kerfisbundnum hætti og lenti síða á Gaddstaðaflötum. Smellið á fyrirsögn til að sjá nánar um málið...

29. ágúst 2013

Rangárþing ytra til fyrirmyndar í fráveitumálum - fulltrúar frá Árborg kynna sér búnaðinn

Fulltrúar frá sveitarfélaginu Árborg, fulltrúar frá Heilbrigðiseftirlitinu ásamt ráðgjöfum og tæknimönnum heimsóttu forsvarsmenn sveitarfélagsins Rangárþings ytra þann 28. ágúst í þeim tilgangi að kynna sér fyrirkomulag fráveitumála í sveitarfélaginu sem þykir til fyrirmyndar.

29. ágúst 2013

Tilkynning frá Lögreglunni á Hvolsvelli

Vegna vegavinnu á þjóðvegi 1 milli Hellu og Hvolsvallar er hámarkshraðinn tekinn niður í 50 km/klst nánast alla leið. Mikilvægt er að vegfarendur virði það þar sem verið er að leggja olíumöl á veginn. Mikið er af lausri möl á veginum og sé ekið hraðar getur það valdið skemmdum á lakki og rúðum annara sem og eigin bifreiðar.

28. ágúst 2013

Rallý Reykjavík 2013 á Hellu - Föstudaginn 30. ágúst

Forsvarsmenn Rallý Reykjavík hafa óskað eftir að nýta aðstöðu á Hellu til að þjónusta keppnisbíla í Rallý Reykjavík 2013. Þetta fyrirkomulag var reynt í fyrsta skipti í fyrra á svipuðum tíma og gekk vel. Bílarnir verða staðsettir á bílaplaninu við Miðvang framan við verslunar- og þjónustukjarnann Miðjuna.