Fréttir

Illugi Gunnarsson mennta- og menningarmálaráðherra staðfesti s.k. þjóðarsáttmála um læsi með fulltrúum 7 sveitarfélaga við táknræna athöfn í Odda í morgun. Um er að ræða átak á landsvísu til að auka lestrargetu og lesskilning barna og unglinga.

Biskup Íslands hefur ákveðið að skipa séra Elínu Hrund Kristjánsdóttur í embætti sóknarprests í Oddaprestakalli. Frestur til að sækja um embættið rann út 25. ágúst sl. Alls sóttu tíu umsækjendur um en embættið veitist frá 1. október nk.

Sveitarstjórn Rangárþings ytra samþykkti samhljóða á fundi sínum í dag að ráða Eirík Vilhelm Sigurðsson sem Markaðs- og kynningarfulltrúa úr hópi mjög hæfra umsækjenda. Eiríkur er 25 ára gamall Hellubúi og hefur starfað síðustu árin sem forstöðumaður Kötluseturs í Vík.

16. fundur sveitarstjórnar Rangárþings ytra verður haldinn að Suðurlandsvegi 1-3, miðvikudaginn 9. september 2015 og hefst kl. 15:00

Þann 13. september 2015 mun ný vetraráætlun Strætó taka gildi á Suðurlandi. Hér má sjá helstu breytingar. Einnig inni á www.stræto.is

Bandaríski sendiherrann á Íslandi Mr Robert Barber heimsótti Helluskóla í dag til þess m.a. að kynna sér stórmerkilegt verkefni sem nemendur skólans vinna með Landvernd og Landgræðslunni. Um er að ræða verkefni í vistheimt en nemendur 7. bekkjar mældu í dag gróðurþekju í tilraun sem þeir lögðu út síðasta vor. Sjá frétt á RUV

Rangárþing ytra hefur fengið boð um þátttöku í spurningaþættinum Útsvari sem brátt hefur árvissa göngu sína á RÚV. Liðið er klárt - það sama og í fyrra - að sjálfsögðu. Hreinn, Harpa Rún og Steinar. Nú verður tekið á því!

Rangárþing ytra og Ásahreppur hafa gert samning til framtíðar við sóknarnefnd Oddasóknar um nýtingu á Menningarhúsinu á Hellu fyrir viðurkennt félagsstarf í sveitarfélögunum, á sviði menningar- og mannúðarmála og til félagsstarfs eldri borgara. Reynslan af Menningarhúsinu hefur verið gríðarlega góð og mikil ánægja með samstarfið á allan hátt.

Umhverfisverðlaun Rangárþings ytra árið 2015 voru afhent við skemmtilega athöfn í Miðjunni á Hellu nú í kvöld. Verðlaun voru veitt í fjórum flokkum en það er Umhverfisnefnd sveitarfélagsins sem hefur veg og vanda af valinu. 

Umsóknarfrestur um starf markaðs- og kynningarfulltrúa Rangárþings ytra rann út þann 5. ágúst sl. og bárust 23 umsóknir. Verið er að vinna úr umsóknum og taka viðtöl við umsækjendur en gert er ráð fyrir að ráða í starfið nú á haustdögum. Hér er listi yfir umsækjendur...