Fréttir

14. fundur byggðarráðs Rangárþings ytra verður haldinn að Suðurlandsvegi 1-3, miðvikudaginn 23. september 2015 og hefst kl. 15:00  

Foreldrafélag leikskólans Heklukots ætlar í samvinnu við Umf Heklu að bjóða uppá íþróttaskóla fyrir krakka á leikskólaaldri í íþróttahúsinu á Hellu á laugardögum í vetur frá kl:10.00 -11.00.

Verið er að leggja malbik á Þrúðvang og Dynskála á Hellu í dag og á morgun og vegfarendur beðnir að sýna varkárni. Sérstaklega á það við um Þrúðvanginn þar sem ekki er um neina hjáleið að ræða.

Illugi Gunnarsson mennta- og menningarmálaráðherra staðfesti s.k. þjóðarsáttmála um læsi með fulltrúum 7 sveitarfélaga við táknræna athöfn í Odda í morgun. Um er að ræða átak á landsvísu til að auka lestrargetu og lesskilning barna og unglinga.

Biskup Íslands hefur ákveðið að skipa séra Elínu Hrund Kristjánsdóttur í embætti sóknarprests í Oddaprestakalli. Frestur til að sækja um embættið rann út 25. ágúst sl. Alls sóttu tíu umsækjendur um en embættið veitist frá 1. október nk.

Sveitarstjórn Rangárþings ytra samþykkti samhljóða á fundi sínum í dag að ráða Eirík Vilhelm Sigurðsson sem Markaðs- og kynningarfulltrúa úr hópi mjög hæfra umsækjenda. Eiríkur er 25 ára gamall Hellubúi og hefur starfað síðustu árin sem forstöðumaður Kötluseturs í Vík.

16. fundur sveitarstjórnar Rangárþings ytra verður haldinn að Suðurlandsvegi 1-3, miðvikudaginn 9. september 2015 og hefst kl. 15:00

Þann 13. september 2015 mun ný vetraráætlun Strætó taka gildi á Suðurlandi. Hér má sjá helstu breytingar. Einnig inni á www.stræto.is

Bandaríski sendiherrann á Íslandi Mr Robert Barber heimsótti Helluskóla í dag til þess m.a. að kynna sér stórmerkilegt verkefni sem nemendur skólans vinna með Landvernd og Landgræðslunni. Um er að ræða verkefni í vistheimt en nemendur 7. bekkjar mældu í dag gróðurþekju í tilraun sem þeir lögðu út síðasta vor. Sjá frétt á RUV

Rangárþing ytra hefur fengið boð um þátttöku í spurningaþættinum Útsvari sem brátt hefur árvissa göngu sína á RÚV. Liðið er klárt - það sama og í fyrra - að sjálfsögðu. Hreinn, Harpa Rún og Steinar. Nú verður tekið á því!