Fréttir

Gagnlegt er að rýna í heimsóknartölur á heimasíðunni en hún var sett í loftið með nýju sniði í byrjun mars 2012, fyrir rétt tæplega einu og hálfu ári síðan. Vefmælingar fyrir árið 2012 voru settar hér á síðuna í lok desember 2012 og má nálgast hér. Nú liggur fyrir hvernig aðsóknin var á fyrri hluta ársins 2013 frá 1. janúar til 30. júní.

Hreiðar Hermannsson, framkvæmdastjóri Stracta konstruktion ehf., og Drífa Hjartardóttir, sveitarstjóri Rangárþings ytra, skrifuðu þann 21. ágúst undir lóðarleigusamning til 75 ára vegna lóðar við Rangárflatir 4 en hún er um 15.000 fermetrar að stærð.

Þegar allar þær breytingar ganga í garð sem fylgja upphafi skólaársins er gott að fara yfir forvarnir með börnunum til að tryggja öryggi þeirra sem best. Jafnframt þurfum við sem ökumenn að virða hraðatakmarkanir, sýna varkárni og stoppa fyrir gangandi umferð.

Samkvæmt 1. mgr. 31. gr. Skipulagslaga nr. 123/2010 er hér kynnt tillaga að breytingu á aðalskipulagi Rangárþings ytra 2010/2022. Samkvæmt 1. mgr. 41. gr. Skipulagslaga nr. 123/2010 eru hér kynntar tillögur að eftirfarandi deiliskipulagsáætlunum. Samkvæmt 1. mgr. 30. gr. Skipulagslaga nr. 123/2010 er hér kynnt lýsing að eftirfarandi breytingu á aðalskipulagi Rangárþings ytra 2010/2022.

Karitas Tómasdóttir, sem fædd og uppalin er á Hellu, var nýverið valin í æfingahóp landsliðs kvenna í knattspyrnu fyrir konur yngri en 19 ára. Karitas, sem fædd er árið 1995, hóf feril sinn með KFR en spilar nú með Selfoss í Árborg. Æfingar landsliðsins eru liður í undirbúningi fyrir forkeppni EM en riðill Íslands verður leikinn í Búlgaríu, dagana 21. - 26. september. Við óskum Karitas innilega til hamingju með árangurinn.

Dagný Brynjarsdóttir, landsliðskona í knattspyrnu, er í hópi 31 leikmanns sem samtök knattspyrnuþjálfara í Bandaríkjunum hafa tilnefnt í kjöri um besta leikmann bandaríska háskólaboltans. Sigurvegari verður útnefndur 10. janúar og hlýtur Hermann-bikarinn. Dagný var önnur af tveimur leikmönnum Florida State háskólans sem voru tilnefndir en hún skoraði 9 mörk og lagði upp 9 á síðustu leiktíð.

Ferðamálasamtök höfuðborgarsvæðisins bjóða aðilum innan Markaðsstofu Suðurlands að taka þátt í ferðakaupstefnunni ,,Hittumst 2013" föstudaginn 6. september frá kl. 10:00 til 18:00 á Grand Hotel í Reykjavík. Gott tækifæri fyrir sunnlensk ferðaþjónustufyrirtæki til að koma sér á framfæri og tengjast ferðaheildsölum á höfuðborgarsvæðinu.

Gámaþjónustan mun ekki losa blátunnu við heimili í sveitarfélaginu í þetta skiptið, 19. - 22. ágúst samkvæmt sorpdagatali. Ástæðan er sú að ekki er aðstaða til losunar á pappa í tilheyrandi skemmu á þessum tíma vegna kjötsúpuhátíðarinnar á Hvolsvelli og er það samkvæmt skilmálum í leigusamningi á skemmunni.

Skólasetning Laugalandsskóla verður fimmtudaginn 29. ágúst kl. 10:00 og hefst kennsla frá og með föstudeginum 30. ágúst samkvæmt stundaskrá kl. 8:30. Grunnskólinn á Hellu verður settur föstudaginn 30. ágúst n.k. kl. 11:00 og hefst kennsla samkvæmt stundaskrá mánudaginn 2. september kl. 08:10.

Töðugjöld er bæjarhátíð sem er haldin á Hellu í Rangárþingi ytra í ágúst ár hvert, tveimur helgum eftir verslunarmannahelgi. Meginhluti dagskrárliða, sem stendur yfir í tvo daga, föstudag og laugardag, fer fram á Hellu. Bænum er skipt upp í fjögur hverfi, hvert með sínum lit og hefur eitt hverfi það hlutverk að skipuleggja hátíðina hverju sinni.