Fréttir

Töðugjöld 2015 í Rangárþingi ytra verða haldin á Hellu og nágrenni  14. – 15. ágúst n.k. Vegleg dagskrá í boði fyrir alla fjölskylduna. Og fréttst hefur að aðstandendur þáttarins Sumardagar á RÚV verði á ferðinni á fimmtudagskvöldið. 

Tilkynning var að berast frá Vegagerðinni um að framkvæmdir munu einnig standa yfir á morgun, miðvikudag. Vegagerðin hefur gefið heimild til framkvæmda við malbikun á hringvegi 1, Hellu sem mun eiga sér stað þriðjudaginn 21. júlí. Hringtorg verða lokuð að hluta meðan á framkvæmdum stendur. 

Rangárþing ytra óskar eftir að ráða hæfileikaríkan einstakling í nýtt starf markaðs- og kynningarfulltrúa. Starfið er mjög margþætt og krefst því góðrar færni á ýmsum sviðum. Umsóknarfrestur er til og með 5. ágúst n.k.

Í tengslum við fjölsótt málþing um Keldur á Rangárvöllum var á dögunum stofnað sérstakt vinafélag sem ætlað er að vera brjóstvörn staðarins og stuðla að endurreisn hans. Forsætisráðherra ávarpaði þingið og hvatti menn til dáða enda Keldnabærinn elsti torfbær Íslendinga.

Einhver bilun er í flýtihnöppum undir Skipulags- og byggingarmál á heimasíðunni. Á meðan á viðgerð stendur er hægt að nálgast auglýsingar varðandi skipulags- og byggingarmál með því að smella hér

15. fundur sveitarstjórnar Rangárþings ytra verður haldinn að Suðurlandsvegi 1-3, miðvikudaginn 8. júlí 2015 og hefst kl. 15:00  

Hlauparar í alþjóðlega Friðarhlaupinu komu við á Hellu sl. föstudag á leið sinni í kringum landið. Börn á leikskólanum Heklukoti tóku á móti þeim.

Sveitarstjórn Rangárþings ytra ákvað á dögunum að undirbúa ráðningu á markaðs- og kynningarfulltrúa fyrir sveitarfélagið. Fyrstu drög að auglýsingu er hægt að skoða hér. Ábendingar varðandi drögin/starfið eru vel þegnar og má senda þær á agust@ry.is

Í tilefni af því að 35 ár eru liðin frá því að Vigdís Finnbogadóttir var kosin forseti voru gróðursett þrjú birkitré í trjálundinum góða við Nes á Hellu. Það voru krakkarnir af Heklukoti sem sáu um verkið en í anda Vigdísar var eitt tré fyrir stúlkur, annað fyrir drengi og það þriðja fyrir komandi kynslóðir.

Keldnaþing - málþing um framtíð og uppbyggingu Keldna á Rangárvöllum verður haldið 24 júní í Sagnagarði Gunnarsholti 14:30 - 17:30.  Sigmundur Davíð Gunnlaugsson forsætisráðherra mun setja samkomuna. Stofnað verður vinafélag Keldna í málþingslok. Allir velkomnir.