1.Fundur með ferðaþjónustuaðilum
1710009
Til stendur að halda fund þar sem öllum þeim sem koma að ferðaþjónustu í Rangárþingi ytra er boðið að koma og fara yfir stöðu mála í þeim málaflokki. Mikilvægt er að heyra hverju ferðaþjónustuaðilum finnst að eigi að vinna árið 2018. Atvinnu- og menningarmálanefnd þarf að setja upp fundinn. Tillaga er að halda fund í safnaðarheimili Oddasóknar á Hellu 16. október kl. 20:00. Auglýsa hann í næstu Búkollu, netmiðlum sveitarfélagsins og með tölvupósti á ferðaþjónustuaðila.
Samþykkt er að halda fundinn. Markaðs- og kynningarfulltrúa falið að vinna að undirbúningi og fá 1-2 fyrirlesara inn á fundinn.
2.Fjárhagsáætlun 2018 - Atvinnu - og menningarmálanefnd
1710010
Umræða um þau verkefni sem snúa að atvinnu- og menningarmálanefnd ásamt því að ræða skal tillögur að nýjum verkefnum á árinu 2018.
Rætt var um mörg verkefni s.s. ítarlegra kynningarefni fyrir sveitarfélagið, fara í að þróa akstursleiðir um Rangárþing ytra. Skoða möguleika á ítarlegri kortagerð. Leiða- og örnefnaskráning. Uppbygging útivistarsvæða og opinna svæða.
Óskað verður eftir tillögum frá ferðaþjónustuaðilum um verkefni á samráðsfundi þann 16. október. Rætt verður sérstaklega um hvort mikilvægt sé að upplýsingamiðstöð sé rekin og þá í Miðjunni á Hellu.
Ákvörðun er frestað fram að næsta fundi.
Óskað verður eftir tillögum frá ferðaþjónustuaðilum um verkefni á samráðsfundi þann 16. október. Rætt verður sérstaklega um hvort mikilvægt sé að upplýsingamiðstöð sé rekin og þá í Miðjunni á Hellu.
Ákvörðun er frestað fram að næsta fundi.
3.Staða jafnréttisáætlunar Rangárþings ytra
1710011
Nefndinni kynnt staða framkvæmdaáætlunar Jafnréttisáætlunar Rangárþings ytra.
Lagt fram til kynningar.
Fundi slitið - kl. 18:15.