Fundarstjóri óskaði eftir breytingu á dagsrká í upphafi fundar. Bætt yrði við einum lið á fundinn "Rangárþing Ultra 2019", hann yrði þá nr. 2, og aðrir liðir færast sem því nemur. Ekki voru gerðar athugasemdir við það.
1.Yfirlit yfir verkefni markaðs- og kynningarfulltrúa 2018-2022
1808043
Yfirlit yfir verkefni markaðs- og kynningarfulltrúa frá síðasta fundi nefndarinnar.
Markaðs- og kynningarfulltrúi fór yfir verkefni sín frá síðasta fundi.
2.Rangárþing Ultra 2019
1902044
Taka þarf afstöðu til þess hvort bjóða eigi þeim keppendum fría skráningu sem tóku þátt á síðasta ári og ekki fengu tíma. Einnig verður farið yfir framkvæmd og tímasetningu keppninnar.
Keppnin fer fram 14. júní 2019 kl. 19:00. Í ár verður farið frá Hellu í Hvolsvöll. Nefndin samþykkir fyrir sitt leyti að þeir keppendur sem ekki fengu skráðan gildan tíma árið 2018 verði boðin þátttaka án endurgjalds árið 2019.
3.Menningarkort um Suðurland
1902039
Umræða um nýtútkomið menningarkort suðurlands sem gefið var út af SASS.
Nefndin fór yfir kortið og hvernig það var unnið. Nefndin óskar eftir því að kort sem þessi, sem sett eru upp fyrir allan landshlutann, komi til yfirlestrar hjá sveitarfélögunum.
4.Slagkraftur 2019
1902041
Tillaga er um að farið verði af stað með stefnumótunarvinnu fyrir ferðaþjónustu í Rangárþingi ytra sem sveitarfélagið getur haft til hliðsjónar við vinnu sína og verkefnaval.
Nefndin samþykkir að farið verði af stað í stefnumótunarvinnu. Nefndin felur markaðs- og kynningarfulltrúa að vinna málið áfram, óska eftir samstarfi við SASS og Markaðsstofu Suðurlands og undirbúningsfundur haldinn í mars.
5.Fjárhagsáætlun 2019 - Atvinnu-og menningarmálanefnd
1808046
Farið var yfir þau verkefni sem nefndin lagði til og hver staða þeirra er.
Fundi slitið - kl. 17:45.