1.Ritstjórnarstefna Rangárþings ytra
1903065
Tillaga að ritstjórnarstefnu frá Atvinnu- og menningarmálanefnd var lögð fram til afgreiðslu fyrir sveitarstjórn. Jafnframt voru lagðar fram breytingartillögur frá Á-lista. Afgreiðslu var frestað og tillögunni og hugmyndum um breytingar vísað aftur til Atvinnu- og menningarmálanefndar til frekari skoðunar og tillögugerðar.
Nefndin fór yfir breytingartillögur og leggur fram leiðrétta ritstjórnarstefnu til samþykktar.
2.Upplýsingamiðstöð við Ægissíðu
1909040
Sveitarfélaginu stendur til boða að leigja aðstöðu fyrir upplýsingamiðstöð við Ægissíðu. Jafnframt væri þá hægt að setja upplýsingaskilti þar á planið og fanga gesti áður en það kemur á Hellu.
Nefndin tekur vel í hugmyndina og felur markaðs- og kynningarfulltrúa að undirbúa tillögu fyrir næsta fund í samstarfi við eigendur.
3.17. júní 2019
1903066
Farið yfir uppgjör 17. júní 2019 á Hellu.
Kostnaður vegna 17. júní á Hellu var 424.243 kr. Kaffisalan var undirbúin og framkvæmd í sjálfboðavinnu og var ágóði af henni um 170.000 kr sem rann til Ungmennafélagsins Heklu til kaupa á ærslabelg.
4.Slagkraftur 2019
1902041
Undirbúa þarf næsta fund Slagkrafts, ákveða fundarefni, staðsetningu og tíma.
Stefnt er að fundi seinnipart október. Markaðs- og kynningarfulltrúa falið að undirbúa fundinn. Athugað verður með kynningar frá ferðaþjónustuaðilum, gisting-afþreying-matur.
5.Fjárhagsáætlun 2020 tillögur - Atvinnu - og menningarmálanefnd
1909041
Umræður um verkefni atvinnu- og menningarmálanefndar sem fara á fjárhagsáætlun 2020. S.S. 17. júní, Töðugjöld, Rangárþing Ultra og hugsanlega fleiri.
Umræður um verkefni fyrir fjárhagsáætlun en að öðru leyti frestað til næsta fundar.
Fundi slitið - kl. 14:30.