1.Yfirlit yfir verkefni markaðs- og kynningarfulltrúa 2018-2022
1808043
Farið yfir helstu verkefni markaðs- og kynningarfulltrúa.
Markaðs- og kynningarfulltrúi fór yfir verkefni sín síðustu misseri.
2.Töðugjöld 2019
1903064
Farið yfir reksturinn frá 2019.
Nefndin fór yfir rekstur Töðugjalda 2019.
3.Upplýsingamiðstöð í Rangárþingi ytra
2004007
Á síðasta fundi þann 25. febrúar var rætt að auglýsa eftir aðila til að halda úti upplýsingamiðstöð. Ákveða þarf hvað skuli gera í ljósi aðstæðna.
Nefndin leggur til að sú ákvörðun haldist óbreytt og að auglýst verði eftir aðila til að halda úti upplýsingamiðstöð í sveitarfélaginu. Markaðs- og kynningarfulltrúa er falið að útbúa auglýsingu.
4.Menningarsjóður
2004008
Á síðasta fundi atvinnu- og menningarmálanefndar þann 25. febrúar var markaðs- og kynningarfulltrúa falið að kynna sér menningarsjóði sveitarfélaga. Hefur hann gert það og mun leggja það fram til kynningar.
Markaðs- og kynningarfulltrúa var falið að hafa samband við SASS og athuga hvort þeir séu með ráðgjafa til að kynna menningarsjóði og hvernig ferlið yrði að koma slíkum sjóði á laggirnar.
5.Vinnuskóli sumarið 2020
2004009
Farið yfir erindi sem að sveitarfélaginu barst frá íbúa varðandi skapandi sumarstarf fyrir ungmenni á vegum vinnuskólans.
Atvinnu- og menningarmálanefnd þakkar Svölu Norðdahl fyrir innsent erindi. Nefndinni þykir hugmyndin mjög góð og telur að hún hafi mikið forvarnargildi á þessum fordæmalausu tímum. Það lítur út fyrir að þessi aldurshópur gæti orðið atvinnulaus í sumar. Nefndin leggur til að hámarksaldur vinnuskólans í Rangárþingi ytra verði hækkaður um 2 ár, þ.e. úr árgangi 2004 í 2002. Einnig að tryggt verði að nemendur útskrifaðir úr 7. bekk, þ.e. árgangur 2007, geti sótt um í vinnuskólanum eins og verið hefur undanfarin ár. Nefndin telur að auka þyrfti fjármagn töluvert fyrir vinnuskólann svo að verkefnið gæti orðið að veruleika í ár. Óskað er eftir að sveitarstjórn taki það fyrir hjá sér og setji fjármagn í verkefnið og beri þannig hagsmuni þessa hóps í huga. Nefndin hvetur sveitarstjórn að kynna málið fyrir öðrum nefndum sem gætu tekið þátt í framkvæmdinni. Vonast er eftir flýtimeðferð svo að verkefnið komist í framkvæmd í sumar.
Þar sem að fundurinn var fjarfundur þá var fundargerðin send á fulltrúa nefndarinnar í tölvupósti sem þeir síðan fóru yfir og sendu samþykki sitt sem svar við póstinum.
Fundi slitið - kl. 14:30.