Byggðarráð Rangárþings ytra

1708005F

• 1.1 1708007 Rallýkeppni í nágrenni Heklu
  Hálendisnefnd - 5 Nefndin samþykkir beiðnina fyrir sitt leyti að uppfylltum eftirfarandi skilyrðum.
  1. Forsvarsmenn keppninnar gæti þess að fylgt verði merktum leiðum og ekki sé ekið utan vega.
  2. Keppnishaldari hafi fullt samráð við þá aðila sem hafa með skipulagðar ferðir á svæðinu að gera vegna keppninnar. Þá sérstaklega rekstraraðila í Landmannahelli, Áfangagili og að Hungurfitjum.
  3. Mönnuð vöktun verði á öllum lokunarpóstum.
  4. Þess sé gætt að allur frágangur verði til fyrirmyndar. Leiðir verði yfirfarnar að keppni lokinni og allar merkingar og rusl fjarlægt.
  5. Keppnishaldari tryggi að almenningur á svæðinu verði ekki fyrir óþarfa óþægindum á meðan kynningarakstur fer fram fyrir keppni.
  
  Hálendisnefnd leggur til að sveitarstjórn íhugi gjaldtöku vegna atburða sem þessarra, að teknu tilliti til lagfæringar á umræddum leiðum að keppni lokinni. Bókun fundar Tillaga er um að Byggðarráð staðfesti bókun Hálendisnefndar.
  
  Samþykkt samhljóða.
• 1.2 1708008 Iceland All Terrain Rally 2017
  Hálendisnefnd - 5 Nefndin tók erindið til umfjöllunar. Til að unnt sé að taka ákvörðun þurfi umsækjandi að leggja fram umsagnir annarra leyfisveitenda, svo sem Vegagerðarinnar, Landsvirkjunar og Landsnets, sem veghaldara.
  
  Hálendisnefnd leggur til að sveitarstjórn íhugi gjaldtöku vegna atburða sem þessarra, að teknu tilliti til lagfæringar á umræddum leiðum að keppni lokinni. Bókun fundar Tillaga er um að Byggðarráð staðfesti bókun Hálendisnefndar.
  
  Samþykkt samhljóða.
• 1.3 1708009 Ræsi yfir Laugakvísl
  Hálendisnefnd - 5 Hálendisnefndin undrast nýlagt ræsi í Laugakvísl og telur framkvæmdina alls ekki til bóta og sé lýti á umhverfinu. Auk þess hefur það verið yfirlýst stefna sveitarfélagsins og stýrihóps um deiliskipulag í Landmannalaugum að ekki eigi að auka aðgengi inn á laugasvæðið. Jafnframt undrast nefndin að ekki skuli hafa verið leitað eftir leyfum til framkvæmdarinnar eins og lög gera ráð fyrir.
  Nefndin leggur til að sveitarstjórn sjái til þess að umrætt ræsi verði fjarlægt og umhverfið fært til fyrra horfs. Bókun fundar Sveitarfélagið vissi ekki af umræddri framkvæmd og gaf ekki leyfi fyrir henni. Við nánari eftirgrennslan hjá Umhverfisstofnun og Vegagerðinni þá er hér um að ræða tímabundna afturkræfa framkvæmd sem láðst hefur að óska eftir framkvæmdaleyfi fyrir. Þess ber að geta að í nýju deiliskipulagi fyrir Landmannalaugasvæðið, sem nú er í lokaferli, er ekki gert ráð fyrir slíkum ræsum á þessum stað enda gengur það skipulag út frá að takmarka mjög bílaumferð inn á aðalsvæðið í Landmannalaugum og gerir ráð fyrir að bílum sé lagt á bílastæði utan við Námskvísl og þar með verða fyrrgreind ræsi með öllu óþörf. Það er því ljóst að umrædd ræsi munu víkja í haust.

1708001F

1708015

1708018

1705042

1708014

1708016

1708004

1708012

1708013

1708017

1609054