Byggðarráð Rangárþings ytra

Fundargerðin lögð fram til kynningar

Lagt fram yfirlit um rekstur sveitarfélagsins fram til loka ágúst 2018.

Lögð fram tillaga að viðauka 2 við fjárhagsáætlun Rangárþings ytra 2018. Gert er ráð fyrir auknum tekjum að fjárhæð 49 milljónum og að rekstrarkostnaður lækki um 6,8 milljónir. Aukinn rekstrarafgangur verði því 55,8 milljónir í A og B hluta. Gert er ráð fyrir aukinni fjárfestingu að fjárhæð 41,7 milljónum. Lántaka hækkar um 136,4 milljónir. Lántakan er vegna uppgjörs við Brú lífeyrissjóð fyrr á árinu. Að öðru leyti kallar viðaukinn ekki á auknar fjárheimildir.

Samþykkt samhljóða að leggja viðaukann fram til staðfestingar hjá sveitarstjórn.

Tekin hafa verið saman gögn um kostnað við smalanir á afréttum sveitarfélagsins. Gögnin ná til áranna 2012-2017 og eru sá raunkostnaður sem féll til við verkefnið umrædd ár. Í ljósi þessara gagna er lagt til að viðmið fyrir árlegt framlag sveitarfélagsins til smölunar á hverjum afrétti hækki frá því sem nú er og verði frá og með næsta ári 850.000 kr. Upphæðin verði jafnframt uppreiknuð árlega í samræmi við vísitölu launakostnaðar og vísitölu neysluverðs með jöfnu vægi.

Lögð fram gögn, málið rætt og mótuð tillaga sem sveitarstjóra er falið að fullgera og leggja fyrir næsta fund byggðarráðs til afgreiðslu.

Samþykkt samhljóða.

Fyrir liggur álit Íþrótta- og tómstundanefndar um að miðað skuli við viðbyggingu á tveimur hæðum með áhaldageymslu á neðri hæð og margvíslegum notkunarmöguleikum á efri hæð m.a. til að skapa aukið rými fyrir búningsaðstöðu og heilsurækt. Byggðarráð leggur til að tekið verði tillit til þessara hugmynda og sveitarstjóra verði falið að útfæra kostnaðaráætlun miðað við þetta og láta hanna viðbyggingu af þessu tagi. Markmiðið er að hægt verði taka viðbygginguna í notkun á næsta ári.

Tillagan samþykkt samhljóða.

Lögð fram gögn um tryggingamál sveitarfélagsins en núverandi samningur sveitarfélagsins við VÍS endurnýjast við næstu áramót ef honum er ekki sagt upp fyrir þann tíma. Tillaga um að segja núverandi samningi sveitarfélagsins við VÍS upp miðað við næstu áramót og leita tilboða í tryggingar sveitarfélagsins.

Samþykkt samhljóða.

Farið yfir ýmsar forsendur fjárhagsáætlunar næsta árs.

Tillaga um að samþykkja umbeðinn styrk að fjárhæð 51.000 kr fyrir dvöl fatlaðs einstaklings frá Rangárþingi ytra í Reykjadal sumarið 2018. Kostnaður færist á félagsmál.

Samþykkt samhljóða

Tillaga um að styrkja hátíðina "Dagur sauðkindarinnar" á vegum Félags sauðfjárbænda í Rangárvallasýslu um 50.000 kr. Kostnaður færist á menningarmál.

Samþykkt samhljóða

Lagðar fram og ræddar gildandi siðareglur. Lagt til að þær verði samþykktar óbreyttar.

Tillaga er um að byggðarráð Rangárþings ytra geri ekki athugasemd við veitingu rekstrarleyfis til félagsins Meiri-Tunga ehf til gistingar í flokki II í Meiri-Tungu 1 Rangárþingi ytra.

Samþykkt samhljóða.

Tillaga er um að byggðarráð Rangárþings ytra geri ekki athugasemd við veitingu rekstrarleyfis til Viðars Steinarssonar til gistingar í flokki III á Kaldbak í Rangárþingi ytra.

Samþykkt samhljóða.

Fundargerðin lögð fram til kynningar.

Fjármálaráðstefna sveitarfélaganna verður haldin 11-12 október nk. Þar sem sveitarstjórnarfulltrúar ætla sér almennt að taka þátt í ráðstefnunni er nauðsynlegt að flýta næsta sveitarstjórnarfundi og áætla hann 10 október kl. 15:00. Sveitarstjóra falið að leita eftir samþykki sveitarstjórnar í tölvupósti fyrir þessari breytingu þannig að hægt sé að auglýsa hana í tíma.

Lagðar fram upplýsingar frá Íbúðalánasjóði um m.a. fyrirhugað tilraunaverkefni sjóðsins þar sem leitað er eftir samstarfi við fjögur sveitarfélög um nýjar lausnir í húsnæðismálum. Byggðarráð telur rétt að Rangárþing ytra leiti eftir að taka þátt í þessu og felur sveitarstjóra að hafa samband við sjóðinn. Ekki er um að ræða fjárhagslega skuldbindingu.

Samþykkt samhljóða.