4. fundur 25. október 2018 kl. 16:00 - 18:50 að Suðurlandsvegi 1-3
Nefndarmenn
  • Haraldur Eiríksson formaður
  • Hjalti Tómasson aðalmaður
  • Margrét Harpa Guðsteinsdóttir aðalmaður
Fundargerð ritaði: Ágúst Sigurðsson sveitarstjóri
Áður en gengið var til dagskrár var ákveðið að bæta við lið 9. Undirbúningur á nýjum leikskóla á Hellu. Það var samþykkt samhljóða og aðrir liðir færast til í samræmi. Einnig sátu fundinn Klara Viðarsdóttir undir liðum 6-8 og Ágúst Sigurðsson sem ritaði fundargerð.

1.Samgöngu- og fjarskiptanefnd - 2

1810005F

Fundargerðin lögð fram til kynningar.

2.Atvinnu- og menningarmálanefnd - 2

1810004F

Fundargerðin lögð fram til kynningar.

3.Aðalfundur Suðurlandsvegur 1-3 hf 2018

1810022

Fundargerð aðalfundar frá 23102018.
Fundargerðin lögð fram til kynningar.
Fylgiskjöl:

4.Stjórn Suðurlandsvegar 1-3 hf - 1

1810011F

Fundargerðin lögð fram til kynningar. Einnig var lagt fram undir þessum lið minnisblað frá umsjónarmanni fasteigna vegna framkvæmda við utanhússviðgerðir á Suðurlandsvegi 3 sbr. ósk þar um frá síðasta sveitarstjórnarfundi.

5.Oddi bs - 3

1810009F

Fundargerðin lögð fram til kynningar.

6.Rekstraryfirlit 23102018

1810061

Rekstur janúar-september
Lagt fram og kynnt yfirlit um rekstur sveitarfélagsins fram til loka september 2018.

7.Fjárhagsáætlun 2018 - viðauki 3

1810060

Viðauki vegna fjárfestinga ársins.
Lögð fram tillaga að viðauka 3 við fjárhagsáætlun 2018. Um er að ræða tilfærslu á fjárfestingu. Gert ráð fyrir aukinni fjárfestinu í félagslegum íbúðum vegna kaupa á íbúðum að fjárhæð kr. 23 milljónir. Keyptar verða 2 íbúðir á þessu ári á samtals 48 milljónir. Upphafleg áætlun gerði ráð fyrir 25 milljónum í fjárfestingu. Gert er ráð fyrir aukinni fjárfestingu hjá Þjónustumiðstöð að fjárhæð kr. 6,1 milljón vegna kaupa á bifreið. Á móti lækkar fjárfesting í íþróttahúsi á Hellu um kr. 29,1 milljón. Upphaflega voru áætlaðar 50 milljónir vegna viðbyggingar á íþróttahúsi á þessu ári. Ljóst er að það verkefni verður ekki klárað á þessu ári og er því fjárheimild í það verkefni lækkuð. Viðaukinn hefur ekki áhrif á handbært fé, en 23 milljónir í fjárfestingu færast á milli A og B hluta.

Samþykkt samhljóða.

8.Fjárhagsáætlun 2019-2022

1808016

Undirbúningur fjárhagsáætlunar frh.
Fjallað um fyrstu drög að fjárhagsáætlun. Fjárhagsáætlanir byggðasamlaga og tengdra verkefna eru nú að berast og tímasetningar gagnvart framlagningu áætlunarinnar ættu að geta staðist. Ákveðið að vinnufundir verði 5,6 og 7 nóvember kl 8:10-11:00.

9.Undirbúningur fyrir nýjan leikskóla á Hellu

1810068

Fjallað um undirbúning fyrir nýjan leikskóla á Hellu. Tillaga um að fela sveitarstjóra að kanna fyrirkomulag við slíkan undirbúning hjá þeim sveitarfélögum sem nýlega hafa staðið í slíkum verkefnum og leggja fram minnisblað á vinnufundum byggðarráðs í byrjun nóvember nk.

10.Kauptilboð - Gaddstaðalóð 18

1810047

Tillaga um að taka kauptilboðinu og fela sveitarstjóra að ganga frá sölunni.

Samþykkt samhljóða.

11.Room ehf. Umsókn um lóðina Sporðalda 1

1809043

Umsókn til byggingar íbúða fyrir ferðamenn.
Room ehf sækir um lóðina Skyggnisöldu 1 til að byggja þar raðhús með íbúðum ætluðum til skammtímaleigu til ferðamanna. Deiliskipulag hverfisins gerir ekki ráð fyrir slíkri starfsemi og erindinu því hafnað samhljóða.

12.Sporðalda 1, 2, 3 og 4. Umsókn um lóð

1810042

Umsókn um raðhúsalóðir.
Tillaga um að úthluta Bólstað ehf 4 raðhúsalóðum við Sporðöldu á Hellu.

Samþykkt samhljóða.

13.Ósk um gjaldfrjálsa þjónustu Vinnuskóla Rangárþings ytra

1809013

Vinnureglur
Lagðar fram vinnureglur varðandi gjaldfrjálsa þjónustu Vinnuskólans og þær staðfestar samhljóða.

14.Hótel Stracta. Beiðni um umsögn vegna rekstrarleyfis til gistingar í flokki IV, tegund A.

1810044

Tillaga er um að byggðarráð Rangárþings ytra geri ekki athugasemd við veitingu rekstrarleyfis til Hótel Stracta á Hellu til gistingar í flokki IV, tegund A.

Samþykkt samhljóða.

15.Tónlistarskóli Rangæinga bs - 8

1810065

Fundargerð frá 9 október 2018
Lagt fram til kynningar.

16.Niðurfelling Þingskálavegar

1810045

17.Vinnslusamningur

1810048

Lagt fram til kynningar.

18.Refa- og minkaveiðiskýrsla 2017-18

1810034

Skýrsla til Umhverfisstofnunar til kynningar.
Lagt fram til kynningar.
Fundargerð yfirlesin og samþykkt.

Fundi slitið - kl. 18:50.

Fannst þér efnið á síðunni hjálplegt?