Byggðarráð Rangárþings ytra

22. fundur 26. mars 2020 kl. 16:00 - 17:55 https://zoom.us/j/6594700701
Nefndarmenn
  • Haraldur Eiríksson formaður
  • Hjalti Tómasson aðalmaður
  • Margrét Harpa Guðsteinsdóttir aðalmaður
Fundargerð ritaði: Ágúst Sigurðsson sveitarstjóri
Einnig sátu fundinn Steindór Tómasson, Björk Grétarsdóttir og Yngvi Harðarson. Þá sat fundinn undir liðum 1 til 4 Klara Viðarsdóttir.

1.Oddi bs - 25

2002008F

1.1 Rekstraryfirlit Odda bs.
Byggðarráð leggur til að sveitarstjórn samþykki fyrir sitt leyti tillögu Odda bs varðandi útfærslu á innheimtu leikskólagjalda í ljósi mikilla forfalla leikskólabarna vegna COVID19. Einungis verði þá innheimt fyrir þá daga sem þjónusta hefur verið veitt í samræmi við mætingaskrá sem leikskólastjórar halda.

Samþykkt samhljóða.

2.Húsakynni bs - 8

2003001F

2.2 1910041 - Framkvæmdaáætlun 2020
Byggðarráð leggur til að stjórn Húsakynna skoði hvort rétt sé að hinkra með fyrirhugað útboð fram yfir páska í ljósi óvissu í tengslum við COVID19.

3.Rekstraryfirlit sveitarfélagsins 2020

2001022

Rekstur janúar-febrúar.
KV kynnti rekstraryfirlit sveitarfélagsins fyrir janúar-febrúar 2020

4.Viðbragðs- og aðgerðaáætlun vegna COVID19 - Rangárþing ytra

2003013

Upplýsingar, erindi og aðgerðir.
4.1 Aðgerða- og viðbragðsáætlun Rangárþings ytra
Sveitarstjóri fór yfir stöðu mála hjá sveitarfélaginu varðandi viðbragðs- og aðgerðaáætlun vegna COVID19 faraldursins. Ágætlega hefur gengið að starfa eftir áætlunum sveitarfélagins og starfsfólk hefur staðið sig frábærlega vel við erfiðar aðstæður. Óskir hafa komið fram um að nýta íþróttasali en því hefur verið hafnað og vísað til þeirra reglna sem í gildi eru.

4.2 Undirbúningur aðgerða varðandi fjárhagsmál
Undirbúa þarf viðbrögð gagnvart því ef óskað er eftir því að fresta eindaga fasteignagjalda. Fyrir liggur minnisblað sveitarstjóra um málið. Þá hafa komið fram spurningar varðandi fasteignagjöld hjá fyrirtækjum í ferðaþjónustu sem ætla að loka tímabundið. Einnig voru lögð fram gögn um mögulega forgangsröðun framkvæmda og viðhaldsverkefna ef breyta þarf fjárhagsáætlun ársins vegna þeirra aðstæðna sem uppi eru. Tillaga um að fela sveitarstjóra að vinna málið áfram í samræmi við minnisblaðið og umræður á fundinum og undirbúa frekara aðgerðaplan í fjárhagsmálum til umræðu og eftir atvikum afgreiðslu á næsta fundi sveitarstjórnar.

Samþykkt samhljóða.

5.Heimgreiðslur

1907069

Endurskoðun fyrirkomulags sbr. bókun við gerð fjárhagsáætlunar fyrir 2020.
Lagt fram yfirlit um heimgreiðslur en núverandi reglur gilda til 31. júlí n.k. Endurskoðun reglna frestað til næsta fundar byggðarráðs.

Samþykkt samhljóða.

6.Málefni hestamanna við Hesthúsgötu á Hellu

2003015

Til úrvinnslu.
Tillaga um að fresta fundi með forsvarsfólki hesthúseigenda þar til betur stendur á til fundarhalda.

Samþykkt samhljóða.

7.KPMG - skýrsla regluvarðar 2019

2003026

Til staðfestingar.
Byggðaráð hefur yfirfarið skýrslu regluvarðar og gerir ekki athugasemdir við hana. Samþykkt samhljóða.

8.Landmannalaugar, beiðni um umsögn vegna veitingareksturs

2001044

Sýslumaðurinn á Suðurlandi óskar umsagnar við umsókn Fjallafangs ehf um rekstrarleyfi í Landmannalaugum.
Tillaga er um að byggðarráð geri ekki athugasemd við veitingu rekstrarleyfis til Sverris Kristinssonar fyrir hönd Fjallafangs ehf til reksturs veitingastaðar í flokki II í söluvögnum félagsins í Landmannalaugum í Rangárþingi ytra.

Samþykkt samhljóða.

9.Til umsagnar frá Alþingi - málasafn 2020

2001013

Velferðarnefnd Alþingis sendir til umsagnar frumvarp til laga um félagslegan viðbótarstuðning við aldraða, 666. mál.
Lagt fram til kynningar.
Fundargerð yfirlesin og samþykkt með rafrænum hætti.

Fundi slitið - kl. 17:55.

Fannst þér efnið á síðunni hjálplegt?