Byggðarráð Rangárþings ytra

47. fundur 28. apríl 2022 kl. 16:00 - 18:00 að Suðurlandsvegi 1-3
Nefndarmenn
  • Haraldur Eiríksson formaður
  • Hjalti Tómasson aðalmaður
  • Margrét Harpa Guðsteinsdóttir aðalmaður
Fundargerð ritaði: Ágúst Sigurðsson sveitarstjóri
Áður en gengið var til dagskrár lagði formaður til að breyta heiti á dagskrárlið 7 í Vigdísarvellir 1, umsókn um lóð. Það var samþykkt samhljóða.

1.Oddi bs - 50

2203008F

Fundargerðin lögð fram til kynningar.

2.Rekstraryfirlit sveitarfélagsins 2022

2201034

Yfirlit um rekstur janúar-mars
KV fór yfir rekstur sveitarfélagsins það sem af er ári.

3.Fjárhagsáætlun 2022 - viðauki 3

2204033

Tillaga að viðauka 3 við fjárhagsáætlun 2022.
Lögð fram tillaga að viðauka 3 við fjárhagsáætlun 2022. Viðaukinn gerir ráð fyrir hækkun skatttekna en kostnaðarauka vegna Bergrisans bs, snjómoksturs og skrifstofu og hefur áhrif til hækkunar á rekstrarniðurstöðu að fjárhæð 2,48 mkr. Greinargerð fylgir viðaukanum.

Viðaukinn borinn undir atkvæði og samþykktur samhljóða.

4.Sleipnisflatir 6 og 8. Umsókn um lóðir

2204007

Fjórir naglar ehf sækir um lóðirnar nr. 6 og 8 við Sleipnisflatir til byggingar á iðnaðarhúsnæði, bæði fyrir eigin starfsemi og til útleigu. Umsókn barst 5.4.2022. Æskilegur byrjunartími framkvæmda er eftir 8 mánuði og byggingartími áætlaður allt að 2 ár. Umsækjandi skilar jafnframt áður úthlutaðri lóð nr. 12 við Sleipnisflatir.
Lagt er til að úthluta Fjórum nöglum ehf lóðunum við Sleipnisflatir 6 og 8 til byggingar á iðnaðarhúsnæði.

Samþykkt samhljóða.

5.Ómsvellir 2. Umsókn um lóð

2204027

Sigvaldi Lárus Guðmundsson óskar eftir að fá úthlutaðri lóðinni nr. 2 við Ómsvelli til að byggja á henni hesthús úr stálgrind eða límtré sbr. umsókn dags. 19.4.2022. Æskilegur byrjunartími framkvæmda yrði í júní eða júlí og byggingartími áætlaður allt að 1 ár.
Lagt er til að úthluta Sigvalda Lárusi Guðmundssyni lóð undir hesthús við Ómsvelli 2 á Rangárbökkum við Hellu.

Samþykkt samhljóða.

6.Ómsvellir 5. Umsókn um lóð

2203100

Bjarki Steinn Jónsson óskar eftir að fá úthlutaðri lóðinni nr. 5 við Ómsvelli til að byggja á henni hesthús úr steinsteypu sbr. umsókn dags. 29.3.2022.
Lagt er til að úthluta Bjarka Steini Jónssyni lóð undir hesthús við Ómsvelli 5 á Rangárbökkum við Hellu.

Samþykkt samhljóða.

7.Vigdísarvellir 1. Umsókn um lóð

2204030

Samúel Örn Erlingsson óskar eftir að fá úthlutaðri lóðinni nr. 1 við Vigdísarvelli til að byggja á henni hesthús úr timbri og steinsteypu. Æskilegur byrjunartími framkvæmda er sumar 2022 og áætlaður byggingartími er 2-3 ár.
Lagt er til að úthluta Samúel Erni Erlingssyni lóð undir hesthús við Vigdísarvelli 1 á Rangárbökkum við Hellu.

Samþykkt samhljóða.

8.Vigdísarvellir 3. Umsókn um lóð

2204031

Guðmundur Einarsson fyrir hönd eigenda að Hesthúsavegi 6 sækir um lóð nr. 3 við Vigdísarvelli til að byggja á henni steinsteypt hesthús. Umsókn barst 22.4.2022. Æskilegur byrjunartími framkvæmda er 2022-2023.
Lagt er til að úthluta Guðmundi Einarssyni fyrir hönd eigenda að Hesthúsvegi 6 lóð undir hesthús við Vigdísarvelli 3 á Rangárbökkum við Hellu.

Samþykkt samhljóða.
Fylgiskjöl:

9.Kauptilboð - landspildur úr Norður Nýjabæ

2010025

Tilboð í landspildu (G-14).
Lagt er til að hafna tilboðinu.

Samþykkt samhljóða.

10.Sala íbúða við Nestún 4 og 6 og Þrúðvang 10

2201017

Tilboð í Þrúðvang 10
Lagt er til að hafna tilboðinu.

Samþykkt samhljóða.

11.Ósk um styrk á móti fasteignagjöldum 2022 - Árbæjarsókn

2204034

Styrkbeiðni.
Sóknarnefnd Árbæjarkirkju óskar eftir styrk á móti fasteignagjöldum ársins 2022. Lagt er til að samþykkja styrkinn skv. gildandi reglum sveitarfélagsins um slíka styrki.

Samþykkt samhljóða.
Fylgiskjöl:

12.Leiklist í sumar - styrkbeiðni

2204036

Hugmynd að sumarvinnu í tengslum við vinnuskóla sem miðar að uppsetningu á leikriti síðsumars.
Byggðarráð tekur mjög vel í þetta verkefni og leggur til að það verði hluti af vinnuskóla sveitarfélagsins í sumar.

Samþykkt samhljóða.

13.Beiðni um styrk frá GHR

2204037

Golfklúbburinn óskar eftir styrktarframlagi.
Lagt er til að fresta erindinu og fá frekari upplýsingar fyrir næsta fund sveitarstjórnar.

Samþykkt samhljóða.
Fylgiskjöl:

14.Erindi um kaup á landi

2204041

Ósk frá eigendum Gaddstaða 48 um að stækka lóð sína.
Erindinu frestað og sveitarstjóra falið að afla frekari upplýsinga.

Samþykkt samhljóða.

15.Til umsagnar frá Alþingi - málasafn 2022

2201049

Velferðarnefnd Alþingis óskar umsagnar varðandi frumvarp til laga um aðbúnað, hollustuhætti og öryggi á vinnustöðum (vinnutími starfsmanna sem veita notendastýrða persónulega aðstoð), 590. mál.
Til kynningar.

16.Veiðihús Ytri Rangá. Beiðni um umsögn vegna rekstrarleyfis

2204026

Sýslumaðurinn á Suðurlandi óskar umsgnar vegna umsóknar Hörpu Hlínar Þórðardóttur fyrir hönd Iceland Outfitters ehf um rekstrarleyfi fyrir gistingu í flokki IV á gististað við Ytri-Rangá, Rangárþingi ytra.
Lagt er til að byggðarráð geri ekki athugasemd við veitingu á rekstrarleyfi til félagsins Icelandic Outfitters ehf fyrir gistingu í flokki IV á gististað við Ytri-Rangá í Rangárþingi ytra.

Samþykkt samhljóða

17.Samband Ísl. Sveitarfélaga - 908 fundur

2204038

Fundargerð frá 25032022
Til kynningar.

18.HES - stjórnarfundur 217

2204039

Fundargerð frá 30032022, ársreikningur 2021 og samþykkt um vatnsvernd.
Lagt fram til kynningar.

19.Samtök orkusveitarfélaga - 50 stjórnarfundur

2204040

Fundargerð frá 01042022
Til kynningar.

20.KPMG - skýrsla regluvarðar 2021

2204001

Skýrsla frá KPMG
Lagt fram til kynningar.

21.Römpum upp Ísland

2204004

Upplýsingar um verkefnið og aðgengismál í Rangárþingi ytra.
Lagt fram til kynningar.

22.Upplýsingar frá MAST vegna fuglaflensu

2204035

Greining á skæðum faraldri fuglaflensu.
Til kynningar.
Fundarerðin yfirlesin og staðfest.

Fundi slitið - kl. 18:00.

Fannst þér efnið á síðunni hjálplegt?