Hálendisnefnd

Nefndin hefur farið yfir málið fyrir sitt leyti. Nefndin leggst gegn því að veitt verði leyfi til kvikmyndatöku á svæðum 2 og 3 samkvæmt innsendu erindi. Nefndin leggst ekki gegn kvikmyndatökum á Svæðum 1, 4 og 5 þar sem Umhverfisstofnun hefur þegar veitt leyfi til.

Helstu rök fyrir afstöðu nefndarinnar eru:
- Ekki er æskilegt að allur sá bílafloti sem tilgreindur er í umsókninni aki um svæði 2 og 3 vegna einstakrar náttúru svæðisins. Á þessu svæði eru engir vegir ætlaðir slíkri umferð.
- Á svæðum 1, 4 og 5 hefur áður verið gefið leyfi til kvikmyndatöku og nefndin telur þau því ákjósanleg.
- Nefndin hefur áhyggjur af ímynd landsins þegar veitt eru leyfi til kvikmyndatöku líkt og hér um ræðir.
- Nefndin hvetur sveitarstjórn til þess að standa vörð um einstaka náttúru á afréttum sveitarfélagsins.

Nefndin hefur kynnt sér skýrsluna Ástand friðlýstra svæða 2016. Nefndin leggur áherslu á að sveitarfélagið og Umhverfisstofnun vinni saman að því að á næstu tveimur árum verði Friðland að Fjallabaki komið af rauða listanum. Nefndin er reiðubúin til þess að leggja sitt af mörkum til þess að svo megi verða.

Nefndin vill benda á að í umfjöllun um veikleika Friðlands að fjallabaki er tilgreint að ekki sé til áætlun um áhrif eða stjórn beitar á svæðinu(Friðland að Fjallabaki). Þetta er röng fullyrðing því til eru Landbótaáætlanir fyrir Landmanna- og Rangárvallaafrétt 2016-2026.