Húsakynni bs

Farið yfir ósk Fishpartner varðandi stöðuhús í Þóristungum.
Húsakynni samþykkir fyrir sína hönd að Fishpartner geti sótt um stöðuleyfi til byggingafulltrúa UTU.

Samþykkt samhljóða.

Lögð fram fumdrög Arkís arkitekta um framtíðar skipulag og notkun á húsnæði Laugalands. Eftir er að fara í nánari deilihönnun en út frá fyrirliggjandi gögnum er óhætt að fara í breytingar á bókasafni og skipta því í tvær kennslustofur, vinna að opnun á milli íbúðar og kennslurýma á efri hæð gamla skóla til að nýta það rými betur fyrir skólastarfsemi. Stjórn samþykkir að fara í þessar framkvæmdir og gera það með hógværum fjárútlátum.

Einnig er á einfaldan máta hægt að innrétta leikskólapláss í skrifstofu Ásahrepps samhliða því að koma góðri skrifstofuaðstöðu í hluta neðrihæðar skólastjórabústaðar. Þetta þarf að kostnaðargreina frekar ásamt því að skoða eigna og kostnaðarskiptingu milli Ásahrepps og Húsakynna. Stjórn leggur til að sveitarstjórar og forstöðumaður eigna og framkvæmdasviðs ásamt fjármálastjóra leggi fram tillögur um samkomulag og kostnað ásamt tímalínu.
Samþykkt.

Óskir hafa komið fram með að fá íþróttahúsið leigt undir minni ættar- og fjölskyldumót með því að fá að leigja tjaldaðstöðu á flöt Húsakynna norðan við íþróttahúsið. Stjórn leggur til að þetta verði heimilað sem tilraunaverkefni að leigja út sal og tjaldvæði um helgar án þess að auglýsa.

Samþykkt.