Húsakynni bs

15. fundur 30. mars 2017 kl. 10:00 - 12:15 á Laugalandi
Nefndarmenn
  • Ingvar Pétur Guðbjörnsson formaður
  • Karl Ölvisson aðalmaður
  • Yngvi Karl Jónsson aðalmaður
Starfsmenn
  • Ágúst Sigurðsson sveitarstjóri
  • Nanna Jónsdóttir sveitarstjóri
Fundargerð ritaði: Ágúst Sigurðsson
Formaður lagði til að við dagskránna bættist liður 3. Leiguíbúðir Húsakynna. Það var samþykkt. Aðrir liðir færast til í samræmi.

1.Ársreikningur 2017 - Húsakynni bs

1703054

Ársreikningur fyrir árið 2016 lagður fram til staðfestingar.
Lagður fram Ársreikningur Húsakynna bs fyrir árið 2016 og hann áritaður af stjórnarmönnum. Rekstrarniðurstaða byggðasamlagsins á árinu 2016 var jákvæð að fjárhæð 9,2 millj. kr. samkvæmt rektrarreikningi. Eigið fé í árslok var neikvætt um 47,7 millj. kr. samkvæmt efnahagsreikningi.

2.Eignir í umsjá Húsakynna bs

1601012

Tilboð sem bárust í Þóristungur, Landréttir frh., Salernishús við Tjaldsvæði frh.
2.1 Sala á húsum í Þóristungum
Lagt fram yfirlit frá Fannberg fasteignasölu varðandi tilboð í húseignir í Þóristungur. Hæsta tilboð í húsin var 13.000.000.- kr og leggur stjórn Húsakynna til við sveitarstjórnir Rangárþings ytra og Ásahrepps að taka tilboði hæstbjóðanda. Skilyrt verði í kaupsamningi og þinglýst sú kvöð að fjallmenn hafi skilyrðislausan gjaldfrjálsan aðgang að húsunum í leitum hvert ár.

Samþykkt með 2 atkv. (IPG,YKJ), einn var á móti (KÖ).

2.2 Landréttir í Réttarnesi
Búið er að kanna hvernig uppbyggingu var háttað við endurnýjun fjárrétta í Árnessýslu. Algengt fyrirkomulag hefur verið að sérstök hollvinasamtök hafi leitt slíkt endurbyggingarstarf en sveitarfélögin hafi einnig verið bakhjarlar í starfinu. Fyrir liggja greinargóðar heimildir um dilkaskipan og sögu Landrétta og gæti verið fyrsta skrefið að koma upp upplýsingaskilti. Ákveðið að fela ÁS að undirbúa málið og kynna á næsta stjórnarfundi. Formaður mun leita eftir samstarfi við áhugasama heimamenn um stofnun hollvinafélags réttanna.

2.3 Salernishús við Tjaldsvæði - erindi frá leigjendum
Húsið er í sameiginlegri eigu Rangárþings ytra og Ásahrepps og samkvæmt 4. gr. leigusamnings ber leigutaka að sjá um viðhald hússins. Erindinu er því hafnað.
Fylgiskjöl:

3.Leiguíbúðir Húsakynna bs

1601025

Gengið var frá undirritun kaupsamnings vegna Fossöldu 1.

4.Framkvæmdaáætlun 2017

1703004

Vettvangsskoðun eigna á Laugalandi
HH lagði fram uppfærða framkvæmdaáætlun ársins 2017 með áföllnum kostnaði og forgangsröðun fyrir Húsakynni bs. Farin var vettvangsferð um byggingar á Laugalandi.

Fundi slitið - kl. 12:15.

Fannst þér efnið á síðunni hjálplegt?