Undir umræðum í 1. lið mættu Ágúst Sigurðsson, sveitarstjóri, Jón Sæmundsson frá Verkís og Þórhallur Svavarsson forstöðumaður Íþróttamiðstöðvar. Þórhallur var einnig með á fundinum í 2. og 3. lið.
1.Áhaldageymsla við Íþróttahús á Hellu
1808032
Umræða um viðbyggingu við Íþróttahúsið á Hellu.
Jón Sæmundsson frá Verkís kynnti hugmyndir um viðbyggingu við íþróttahús á Hellu. Nefndin er mjög ánægð með tillöguna og lagði til nokkrar breytingar. Íþrótta- og tómstundanefnd leggur til að haldið verði áfram með verkefnið og næstu skref tekin.
2.Gjaldskrá Íþróttamiðstöva 2019
1811040
Hlutverk íþrótta- og tómstundanefndar er að fara með málefni íþrótta- og tómstundamála í sveitarfélaginu og vera ráðgefandi til sveitarstjórnar um þau mál. Eitt af þessum hlutverkum er að veita umsögn um tillögur að gjaldskrám til sveitarstjórnar. Fyrir liggur tillaga frá Byggðaráði að gjaldskrá íþróttamiðstöðva.
Nefndin samþykkir framkomna tillögu.
3.Íþróttavöllurinn á Hellu
1811039
Umræða um hvað sé hægt að gera svo íþróttavöllurinn á Hellu nýtist betur fyrir þær íþróttir sem þar eru stundaðar.
Góð umræða skapaðist um íþróttavöllinn á Hellu og ljóst er að auka þarf umhirðu við völlinn svo hann sé ávallt eins og best verður á kosið. Nefndin leggur til að samningi við Strandarvöll ehf vegna þjónustu við íþróttavöllinn á Hellu verið sagt upp og umhirða á íþróttavellinum falli undir þjónustumiðstöð í samstarfi við íþróttamiðstöðina á Hellu. Í því felst dagleg umhirða, merkingar, sláttur, vökvun, kantskurður, umsjón með hlaupabraut og annað sem til þarf. Einnig verði leitað til Knattspyrnufélags Rangæinga um frágang eftir æfingar og leiki á þeirra vegum. Þessi breyting er ekki talin hafa áhrif á fjárhagsáætlun næsta árs og rúmist innan þess sem nú þegar er áætlað fyrir íþróttavöllinn á Hellu.
Fundi slitið - kl. 19:15.