Oddi bs

Klara Viðarsdóttir, fjármálastjóri kynnti yfirlit fyrir jan.-sept. 2023. Reksturinn er í ágætu samræmi við áætlun með viðaukum.

Lögð fram og rædd tillaga að gjaldskrá fyrir Odda bs fyrir árið 2024. Gjaldskráin gerir ráð fyrir að fæðisgjöld hækki um 8% m.v. vísitölu neysluverðs til verðtryggingar í nóvember (2022-2023), dagvistargjöld í leikskóla hækki um 10% m.v. blandaða vísitölu launa og neysluverðs og gjöld fyrir skóladagheimili hækki um 9,8% m.v. blandaða vísitölu launa og neysluverðs. Lagt til að gjald fyrir hverjar 15 mín umfram 8 klst. vistun verði kr. 2000 á mánuði. Gjaldskráin tekur gildi 1. janúar 2024.

Gjaldskráin samþykkt samhljóða.

Lögð er fram og rædd tillaga að fjárhagsáætlun 2024 fyrir Odda bs. Stjórnin hefur átt vinnufund m.a. með öllum skólastjórum byggðasamlagsins og farið yfir þeirra áherslur.
Gert er ráð fyrir að heildarkostnaður sveitarfélaganna vegna Odda bs verði kr. 1.520.791.000 sem er 10,51% frá áætlun síðasta árs. Framlögin skiptast þannig að hlutur Rangárþings ytra verður kr. 1.311.454.199 og hlutur Ásahrepps kr. 209.336.801. Áætlunin miðar við fjölda grunn- og leikskólabarna þann 1. október 2023 sem er 242 grunnskólabörn og leikskólabörn sem telja 141,3 barngildi. Tillaga er um að samþykkja fjárhagsáætlun 2024 fyrir Odda bs.

Samþykkt samhljóða.

Á fundinn mæta Kristín Sigfúsdóttir skólastjóri grunnskólans á Hellu og Yngvi Karl Jónsson skólastjóri grunnskólans á Laugalandi og gera grein fyrir stöðu mála í sínum skólum.

Stjórn þakkar skólastjórunum fyrir upplýsingarnar.

Sveitarstjóri, Kristín Sigfúsdóttir og Yngvi Karl Jónsson skólastjórar og gera grein fyrir þeim aðferðum sem kynntar voru varðandi kerfi til að stýra fjármunum til grunnskóla.

Stjórn þakkar fyrir upplýsingarnar.

Lagt fram erindi frá skólastjóra Grunnskólans á Hellu varðandi þá hugmynd um að skóladagheimilið í Grunnskólanum á Hellu loki fyrsta þriðjudag í hverjum mánuði kl. 15:00 til að allir starfsmenn skólans geti mætt saman á starfsmannafundi.

Stjórn Odda bs tekur jákvætt í erindið en leggur áherslu á að það verði vel kynnt fyrir foreldrum og taki ekki gildi fyrr en um næstu áramót.

Lagt fram minnisblað frá skólastjórum leikakólanna á Laugalandi og Hellu varðandi tillögu og útfærslu að vistun/neyðarvistun að uppfylltum sérstökum skilyrðum fyrir leikskólabörn vegna lokunnar leikskólana milli jóla og nýars.

Stjórn samþykkir fyrirliggjandi tillögur og felur leikskólastjórum að upplýsa foreldra um þetta úrræði og skilyrði fyrir þessari þjónustu.

Fært í trúnaðarmálabók.