Formaður lagði til að við bættist liður 4. Erindi um húsnæðismál - frá skólastjóra Laugalandsskóla.
1.Skólaheimsókn - Laugalandsskóli
1703057
Sigurjón Bjarnason skólastjóri Laugalandsskóla tók á móti stjórn Odda bs og sýndi búnað og aðstöðu skólans. Reiknað er með að á næsta fundi sem áætlaður er mánudaginn 3. apríl verði Leikskólinn á Laugalandi heimsóttur.
2.Leikskólapláss - erindi frá foreldrum
1703056
Erindi frá foreldrum leíkskólabarna við leikskólann á Laugalandi.
Lagt fram erindi varðandi biðlista á leikskólanum á Laugalandi þar sem fram koma áhyggjur foreldra varðandi að húsnæði leikskólans anni ekki þeim fjölda barna sem þurfa á leikskólaplássi að halda. Stjórn Odda bs er meðvituð um vandann og vinnur að lausnum. Nú standa yfir heimsóknir stjórnar í skólana og verður erindið áfram til umfjöllunar á næsta fundi Odda bs. mánudaginn 3. apríl n.k. ÁS falið að kalla eftir nýjum listum yfir núverandi og væntanlega nemendur fyrir þann fund.
3.Kostnaðarþáttaka foreldra - Erindi til stjórnar
1703058
Vegna kostnaðarþátttöku foreldra við árshátíð.
Lagt fram erindi frá foreldrum útskriftarnema í Laugalandsskóla um fjáröflun vegna útskriftarferðar. ÁS falið að afla frekari upplýsinga frá skólastjórum grunnskólanna varðandi fyrirkomulag þessara mála og leggja fyrir næsta fund.
4.Erindi um húsnæðismál - frá skólastjóra
1703064
Lagt fram erindi til kynningar frá skólastjóra Laugalandsskóla um húsnæðismál.
Fundi slitið - kl. 15:45.